Pra heta paviedamiŭ na pres‑kanfierencyi 29 krasavika ŭ Minsku staršynia kancerna «Biełdziaržcharčpram» Ivan Dančanka.

Vytvorčaściu cukru ŭ Biełarusi zaraz zajmajucca čatyry pradpryjemstvy: adkrytyja akcyjaniernyja tavarystvy «Haradziejski cukrovy kambinat», «Žabinkaŭski cukrovy zavod», «Słucki cukrarafinadny kambinat» i «Skidalski cukrovy kambinat».

Dančanka adznačyŭ, što kiraŭnikom dziaržavy pastaŭlena zadača pavieličeńnia abjomu ekspartu sielhaspradukcyi da 10 młrd. dołaraŭ u hod. «Adnoj z zadač pa pavieličeńni ekspartnaha patencyjału źjaŭlajecca pavieličeńnie vytvorčaści cukru», — adznačyŭ staršynia kancerna. Jon paviedamiŭ, što na dziejnych pradpryjemstvach płanujecca davieści mahutnaści pierapracoŭki da 40 tys. ton cukrovych burakoŭ za sutki (ciapier 29 tys. ton).

«U budaŭnictvie piataha zavoda vykazvajuć zacikaŭlenaść Mahiloŭskaja i Homielskaja vobłaść.

Razhladajecca placoŭka pa budaŭnictvie novaha zavoda na miažy hetych abłaściej u rajonie Babrujska»,

— paviedamiŭ Dančanka.

Dla budaŭnictva pradpryjemstva miarkujecca zadziejničać kitajskaha inviestara, jaki zmoža pryciahnuć źviazany doŭhaterminovy dziaržaŭny kredyt. «Praz pasolstva Biełarusi ŭ Kitai my zaraz šukajem kitajskuju kampaniju, jakaja pabudavała b zavod «pad kluč». U Kitaj nakiravany charaktarystyki pradpryjemstva», — paviedamiŭ Dančanka. Abjom inviestycyj moža skłaści da 300 młn. jeŭra.

Płanujecca pabudavać zavod z abjomam vytvorčaści nie mienš jak 10 tys. ton cukru ŭ sutki, abo 120—130 tys. ton u hod. Akramia taho, na zavodzie praduhledžvajecca mahčymaść pravodzić sušku žamierynaŭ, vyrablać cukrovyja kansiervy, fasavać pradukcyju ŭ roznuju taru. Raźlikovaja valutnaja vyručka moža skłaści nie mienš za 100 młn. dołaraŭ u hod. «Heta budzie całkam ekspartna aryjentavanaje pradpryjemstva, jakoje budzie pracavać na biełaruskaj syravinie», — padkreśliŭ Dančanka. Płanujecca pastaŭlać burakovy cukar na rynki Ukrainy, Rasii i inšych krain.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?