Paražeńniem ź likam 2:3 (0:0, 0:2, 2:1) zaviaršyŭsia dla zbornaj Biełarusi pa chakiei pieršy tavaryski matč suprać Łatvii. Hulnia prajšła 29 krasavika ŭ Ryzie i była pieršaj dla novaha trenierskaha štaba biełaruskaj kamandy pad kiraŭnictvam Eduarda Zankaŭca.
Pavodle infarmacyi sajta Łatvijskaj fiederacyi chakieja, šajby zakinuli: 0:1 — Robierts Bukarts (23.02, asistenty — Jurys Štałs, Oskars Cybulskis), 0:2 — Kaspars Daŭhavińš (35.27, pas — Jekabs Redlichs), 1:2 — Alaksandr Radzinski (43.12, u bolšaści, asistenty — Andrej Staś, Siarhiej Dziamahin), 2:2 — Siarhiej Dziamahin (44.57, pas — Andrej Staś), 2:3 — Jekabs Redlichs (49.23, u bolšaści, asistenty — Jurys Štałs, Siarhiej Piačura).
Za 57 siekund da kanca treciaha pieryjadu hości zamianili varatara Andreja Miezina šostym palavym hulcom, ale heta nie pryniesła im pośpiechu.
«Heta była pieršaja naša hulnia, dapuskali šmat pamyłak, — pryvodzić słovy Zankaŭca sajt Fiederacyi chakieja Biełarusi. — Adnoj z asnoŭnych pryčyn projhryšu liču rehularnyja straty šajby ŭ siaredniaj zonie. Taksama našu kamandu padviali vydaleńni. Treba hulać bolš dyscyplinavana. Tym nie mienš, spadabaŭsia nastroj i žadańnie, ź jakim hulali maje padapiečnyja. Ciapier nam treba dakładna razabrać hety matč i ŭstaranić usie promachi, jakija byli dapuščany. U hetaj hulni mnie spadabałasia, jak dziejničali źvieńni Mialeška — Staś — Dziamahin i Dziamkoŭ — Kavyršyn — Čuprys».
Pavodle słoŭ Zankaŭca, nieabchodna pavysić realizacyju halavych momantaŭ i bolš ahresiŭna dziejničać kala varot sapiernikaŭ.
30 krasavika kamandy sustrenucca znoŭ.
Abiedźvie zbornyja rychtujucca da čempijanatu śvietu, jaki startuje ŭ Hiermanii 7 maja.
