Za studzień—sakavik 2010 hoda banki vydali kredytaŭ ekanomicy ŭ biełaruskich rublach i zamiežnaj valucie na sumu amal 21,6 trłn. rubloŭ, što na 38% bolš, čym za anałahičny pieryjad minułaha hoda. Takija źviestki byli abnarodavany 28 krasavika na pašyranym pasiadžeńni praŭleńnia Nacyjanalnaha banka, jakoje pravioŭ jaho staršynia Piotr Prakapovič.
Jak paviedamili va ŭpraŭleńni infarmacyi Nacbanka, na pasiadžeńni adznačałasia, što z ulikam faktyčnaj situacyi ŭ nacyjanalnaj ekanomicy, dynamiki valutnaha i depazitnaha rynkaŭ hałoŭny bank krainy pryniaŭ miery pa dalejšym patańnieńni kredytnych resursaŭ. Tak, u sakaviku hetaha hoda staŭka pa novych terminovych depazitach u rublach skłałasia na ŭzroŭni 16,1% hadavych, što na 1,6% nižej, čym u studzieni. Abjaŭlenaja siaredniaja pracentnaja staŭka pa novych kredytach bankaŭ u biełaruskich rublach skłałasia na ŭzroŭni 19,6% hadavych, źniziŭšysia ŭ paraŭnańni sa studzieniem na 0,9%.
Abjom pryciahnutych hrašovych srodkaŭ nasielnictva za pieršy kvartał hetaha hoda ŭzros na 1,57 trłn. rubloŭ, ci na 8,4%, i skłaŭ 20,33 trłn. rubloŭ. U siarednim na adnaho žychara krainy na 1 krasavika prypadała 2 młn. 144,1 tys. rubloŭ źbieražeńniaŭ, raźmieščanych u bankaŭskich układach i aščadnych siertyfikatach, što ekvivalentna 720 dołaram ZŠA. U dačynieńni da supastaŭnaj daty minułaha hoda hety pakazčyk uzros na 540,7 tys. rubloŭ, ci ŭ 1,34 razu.
Praciahvaŭ raźvivacca patencyjał nacyjanalnaha bankaŭskaha siektara. Abjom statutnaha fondu bankaŭ na 1 krasavika skłaŭ 9,6 trłn. rubloŭ i za studzień—sakavik pavialičyŭsia na 40,4 młrd. rubloŭ. Aktyvy bankaŭskaha siektara ŭzraśli na 4,2%, ci na 3,5 trłn. rubloŭ, i skłali 86,76 trłn. rubloŭ.
Jak adznačałasia na pasiadžeńni, va ŭmovach raźvićcia pazityŭnych tendencyj u nacyjanalnaj i zamiežnaj ekanomicy i nadalej najvažniejšyja zadačy hrašova-kredytnaj palityki zasiarodžvajucca na paskareńni tempaŭ ekanamičnaha rostu Biełarusi.
Kursavaja palityka pa-raniejšamu budzie nakiravana na padtrymańnie stabilnaha kursu biełaruskaha rubla da košyku zamiežnych valut z metaj zabieśpiačeńnia spryjalnych umoŭ źniešniaha handlu i pavyšeńnia kankurentazdolnaści ajčynnych vytvorcaŭ na źniešnich rynkach.
Pracentnaja palityka budzie aryjentavana na źnižeńnie ahulnaha ŭzroŭniu pracentnych stavak u ekanomicy pry ŭmovie zabieśpiačeńnia finansavaj stabilnaści. Na praciahu druhoha kvartała 2010 hoda miarkujecca źnižeńnie staŭki refinansavańnia da jaje vierchniaj hadavoj prahnoznaj miažy — 12% hadavych. Heta pavinna pavysić dastupnaść kredytnych resursaŭ dla haspadarčych subjektaŭ i stvoryć umovy dla paskareńnia rostu ekanomiki.
