Takoje rašeńnie było pryniataje na IV źjeździe Fiederalnaj nacyjanalnaj kulturnaj aŭtanomii «Biełarusy Rasii», jaki prajšoŭ 23 krasavika.
Jak paviedamiŭ staršynia aŭtanomii Valeryj Kazakoŭ, ciapier stvarajecca hrupa «Spadčyna» z rasijskich i biełaruskich vučonych «dla matyvacyi taho, što my robim». Pa jaho słovach, paŭtara hoda prykładna spatrebicca, kab pravieści arhanizacyjnuju pracu.
Što heta budzie za Biełaruski niezaležny instytut, pakul nieviadoma. Mahčyma, za prykład budzie ŭziataja praca ŭkraincaŭ, jakija staryli ŭ rasijskaj stalicy Centr nacyjanalnaj ukrainskaj kultury. Zrazumieła ŭžo ciapier, što jaho hałoŭnaj zadačaj stanie vyvučeńnie biełaruskaj prysutnaści ŭ Rasii.
Valeryj Kazakoŭ taksama paviedamiŭ, što na źjeździe była razhledžana prablema vykarystańnia biełaruskaj movy ŭ Rasii. I chutka pavinna raspačacca praca pa stvareńni školnych fakultatyvaŭ pa vyvučeńni biełaruskaj movy, jakija pakul isnujuć u Maskvie.
