U asnoŭny kapitał płanujecca pryciahnuć 2,8 młrd. dalaraŭ, paviedamiŭ na pres‑kanfierencyi 30 krasavika ŭ Minsku namieśnik ministra ekanomiki Biełarusi Andrej Tur.
Jon adznačyŭ, što «za papiarednija čatyry hady daterminova zabiaśpiečana vykanańnie prahnozu pa rostu inviestycyj na piacihodku». «Biahučaja situacyja krychu ŭskładniłasia, bo paŭpłyvaŭ finansava‑ekanamičny kryzis, źnizilisia mahčymaści pradpryjemstvaŭ i biudžetnaha finansavańnia. Stratehična my bačym vyjście z hetaha ŭ roście zamiežnych inviestycyj», — skazaŭ Tur. Jon paviedamiŭ, što temp rostu inviestycyj z zamiežnych krynic za pieršy kvartał skłaŭ 140%, ich dola ŭ ahulnym abjomie inviestycyj »niaznačna, ale vyrasła» i skłała 6,7%. «Hetaha niedastatkova, ale rabota pravodzicca maštabnaja», — adznačyŭ namieśnik ministra.
Jon paviedamiŭ ab sfarmiravanym pieraliku inviestycyjnych prajektaŭ dla pryciahnieńnia zamiežnaha kapitału. «Havorka idzie najpierš ab stvareńni ŭmoŭ dla patencyjalnych inviestaraŭ, jakija zajmajucca sučasnymi technałohijami i kirunkami: bijatechnałohijami, novymi materyjałami, praduktami vysokaj chimii, inviestycyjnymi technałohijami, łahistykaj», — adznačyŭ namieśnik ministra.
U jakacsi prykładu pryciahnieńnia inviestycyj jon nazvaŭ namiery Kitaja vydzielić da 15 młrd. dalaraŭ kredytnych resursaŭ, jakija »nieabchodna samym aktyŭnym čynam asvoci».
Tur taksama adznačyŭ, što robiacca kroki va ŭdaskanalvańni zakanadaŭčaj bazy ŭ halinie inviestycyj. Tak, viadziecca rabota nad novaj redakcyjaj Inviestycyjnaha kodeksa z vykarystańniem kansultacyjnaj dapamohi Suśvietnaha banka, Mižnarodnaj finansavaj karparacyi.
