ZŠA zaniepakojeny pryhavoram, jaki byŭ vyniesieny Mikałaju Aŭtuchoviču i jašče trom udzielnikam pracesu pa abvinavačańni, jakoje źviazana ź niezakonnym zachoŭvańniem zbroi. Pra heta havorycca ŭ zajavie pasolstva ZŠA.
«U hetym i inšych vypadkach my pastajanna padkreślivali biełaruskim uładam važnaść vykanańnia naležnaj pravavoj pracedury, — havorycca ŭ zajavie. — My spadziavalisia, što biełaruskija ŭłady vykarystajuć hetuju mahčymaść, kab prademanstravać vykanańnie naležnaj pravavoj pracedury i niezaležnaść sudovaj sistemy. Na žal, isnujuć pryčyny sumniavacca ŭ naležnym praviadzieńni hetaha pracesu ŭ tym, što tyčycca hramadzianskich pravoŭ Mikałaja Aŭtuchoviča i astatnich udzielnikaŭ pracesu».
U suviazi z hetym pasolstva ZŠA nahadvaje, što «palapšeńnie adnosinaŭ Złučanych Štataŭ Amieryki ź Biełaruśsiu moža adbycca tolki tady, kali biełaruskija ŭłady prademanstrujuć bolšuju pavahu asnoŭnych pravoŭ čałavieka».
Nahadajem, 6 maja Viarchoŭny sud abviaściŭ pryhavory pa spravie vaŭkavyskich pradprymalnikaŭ. Aŭtuchovič pryhavorany da piaci hadoŭ i dvuch miesiacaŭ pazbaŭleńnia voli ŭ kałonii strohaha režymu, Asipienka — da troch hadoŭ pazbaŭleńnia voli ŭ kałonii ahulnaha režymu, jašče dvuch abvinavačvanych — byłoha rabotnika firmy Aŭtuchoviča Alaksandra Łaryna i padpałkoŭnika milicyi Michaiła Kazłova — adpaviedna da troch hadoŭ pazbaŭleńnia voli ŭ kałonii ŭzmocnienaha režymu i dvuch hadoŭ pazbaŭleńnia voli ŭ kałonii ahulnaha režymu biez pazbaŭleńnia prava zajmać kirujučyja pasady.
Aŭtuchovič pryznany vinavatym u pieravozcy i zachoŭvańni piaci patronaŭ da palaŭničaj vintoŭki, Asipienka i Łaryn — u zachoŭvańni i pieravozcy zbroi i vybuchovych rečyvaŭ, Kazłoŭ — u tym, što jon viedaŭ ab znachodžańni na terytoryi
