Niamiecki Zimoŭski i «Čorny kanał» 2

Historyja paŭtarajecca ŭ tym ci inšym vyhladzie, u tym ci inšym miescy.

Pierad vami vypusk aŭtarskaj pieradačy Karła-Eduarda fon Šniclera «Der schwarze Kanal» — «Čorny kanał». Televizija Niamieckaj demakratyčnaj respubliki, hod 1988.

Žanr aŭtarskaj publičystyčnaj prapahandysckaj pieradačy, zdajecca, nie isnavaŭ u Savieckim Źviazie. Infarmacyjnaja prastora SSSR była hiermietyčna začynienaja ad alternatyŭnaj dumki, i tamu z hetaj dumkaj nie treba było palemizavać.

Va Ŭschodniaj Niamieččynie situacyja była inšaj:

amal na ŭsioj terytoryi krainy prymalisia telekanały demakratyčnaj Zachodniaj Niamieččyny, i kamunistyčny režym musiŭ hetamu niešta procipastavić.

Fon Šnicler (zaciaty kamunist bankirska-šlachieckaha pachodžańnia i ŭvohule čałaviek ź cikavaj bijahrafijaj) nie zajmajecca vykryćciom apazicyi — ź joju va Ŭschodniaj Niamieččynie raspraŭlalisia našmat bolš cicha i bolš žorstka, čym navat u sučasnaj Biełarusi. U svajoj pieradačy jon z 1960 pa 1989 hh. zajmaŭsia kamientavańniem asobnych siužetaŭ zachodniaj televizii.

Navat kali vy nie vałodajecie niamieckaj movaj, pahladzicie ŭsio roŭna:

intanacyja, vyraz tvaru, pozirk — usio nahetulki znajomaje hledaču biełaruskaj i rasijskaj televizii pačatka 21 stahodździa.

***

Jašče para ŭschodnieniamieckich cikavinak i paralelej: parad na 40-hodździe NDR

Kali-niebudź hetaksama my budziem hladzieć na YouTube zapisy hratesknych łukašenkaŭskich paradaŭ,

kali-niebudźčyrvona-zialonyja majki z hierbam-viankom ci partrety pravadyra zrobiacca pradmietam nastalhii i buduć pradavacca ŭ suvienirnych kramach na Praśpiekcie Franciška Skaryny

 — jak majki z hierbam NDR ci madelki «Trabantaŭ» pradajucca ciapier na Unter den Linden. Uschodnija niemcy dažyli — i my dažyviem.

Aleś Čajčyc

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH