Płakat da stužki "Tytanik: Praciah".
Pryznajciesia — vy takoha nie čakali. Maleńkaja kinakampanija The Asylum paviedamiła, što skončylisia zdymki stužki «Tytanik: Praciah», jaki vyjdzie hetym letam adrazu na DVD-kružełkach. Siužet «Tytanika-2»: 100 hadoŭ paśla viadomaha karablakryšu, daślednickaje sudna vypłyvaje pa tym samym maršrucie, jaki koliś zrabiŭ «Tytanik», na pošuki pareštkaŭ vializnaha parapłava, i — što niadziva — sutykacca z padobnymi ciažkaściami i złybiedami. Pry takim raskładzie miesca dla Dy Kapryjo i Kiejt Uinślet i dla inšych halivudskich zorak, pasažyraŭ vializnaha sudna, u novaj stužcy nie zastałosia.
Dla zaspakajeńnia kinahurmanaŭ — hutarka viadziecca pra «mokbaster» (anh. «ździek-stužka»), typ nizkabiudžetnych treš-filmaŭ, jakija ekspłuatujuć papularnaść viadomych błokbasteraŭ i majuć padobnyja nazvy («Transmorfiery» i «Terminatary» dy inšyja), a The Asylum mienavita takaja kampanija, jakaja śpiecyjalizujecca na padobnych filmach.
 Ich nie spynić |
P.S. Nasamreč, ideja zrabić sikveł da «Tytanika» - nie novaja. Jana koliś navat zajmieła fiktyŭny rekłamny rolik. Siužet: paśla 100 hadoŭ navukoŭcy razmarožvajuć cieła hałoŭnaha hieroja Džeka Dosana-pašukovaja hrupa ažyŭlaje i jon apynajecca ŭ XXI st.), ale zdajecca sami stvaralniki humarystyčnaha vybryka nie padazravali, što hetak adbudziecca nasamreč.
