Sprava pa č. 3 art 205 Kryminalnaha kodeksa (kradziež u bujnym pamiery) rasśledujecca papiarednim rasśledavańniem Hrodzienskaha adździeła ŭnutranych spraŭ na transparcie ŭ dačynieńni da 22‑hadovaha biełarusa, navučenca adnoj z rasijskich duchoŭnych sieminaryj.
Jak paviedamiŭ pres‑sakratar upraŭleńnia ŭnutranych spraŭ na transparcie MUS Alaksandr Marčanka, małady čałaviek byŭ zatrymany 6 maja pa padazreńni ŭ kradziažy 1 maja ŭ ciahniku Maskva — Hrodna 210 tys. rasijskich rubloŭ u 40‑hadovaha žychara Maskvy, mieniedžera firmy.
Ustanoŭlena, što da momantu zatrymańnia budučy śviatar častku skradzienych hrošaj paśpieŭ patracić na prastytutak, kazino i darahija mabilnyja telefony. Na siońniašni dzień uron, pryniesieny rasijaninu, viernuty całkam. Zatrymany pakul znachodzicca pad vartaj.
0
0
0
0
0
0