Zhodna ź infarmacyjaj Nacyjanalnaha statystyčnaha kamiteta, u studzieni—krasaviku 2010 hoda vałavy ŭnutrany pradukt adnosna anałahičnaha letašniaha pieryjadu pavialičyŭsia na 6,1% da 43 trłn. 487,8 młrd. rubloŭ.
Pavodle vynikaŭ studzienia—sakavika 2010 hoda rost VUP składaŭ 4%, u studzieni—krasaviku 2009 hoda — 0,2%.
Prahnozam sacyjalna‑ekanamičnaha raźvićcia krainy na 2010 hod zapłanavany pryrost VUP na 11—13%.
Abjom pramysłovaj vytvorčaści ŭ studzieni—krasaviku pavialičyŭsia na 6,1% (hadavy prahnoz — rost na 10—12%), vytvorčaść spažyvieckich tavaraŭ — na 10,3% (rost na 14—15%). Pry hetym vypusk charčovych tavaraŭ pavialičyŭsia na 11,3% (14—15%), niecharčovych — na 9,7% (rost na 14—15%).
Vypusk sielskahaspadarčaj pradukcyi haspadarkami ŭsich katehoryj ułasnaści za čatyry miesiacy hetaha hoda pavialičyŭsia na 5,4% (10—11%).
Abjom inviestycyj u asnoŭny kapitał vyras na 0,2% (23—25%). Uviedziena ŭ ekspłuatacyju 1 młn. 520 tys. kv. m žylla, ci na 1,6% bolš, čym u studzieni—krasaviku 2009 hoda. U 2010 hodzie ŭsiaho płanujecca pabudavać 6 młn. 960 tys. kv. m žylla.
Pieravozki hruzaŭ pavialičylisia na 9,6%. Roźničny tavaraabarot vyras na 14,1% (prahnoz — 14—15%).
Kolkaść biespracoŭnych, zarehistravanych u orhanach pa pracy, zaniataści i sacyjalnaj abaronie, źniziłasia na 2% (da 43,1 tys. čałaviek) i skłała 0,9% ekanamična aktyŭnaha nasielnictva.
Indeks spažyvieckich cen pa stanie na kaniec krasavika ŭ paraŭnańni z kancom śniežnia minułaha hoda vyras na 3,1%, u krasaviku adnosna sakavika — na 0,7%, za hod — na 6,6%.
