Alaksandr Łukašenka ličyć, što ŭ ahulnych intaresach Biełarusi i Rasii, nie adkładajučy na doŭhi čas, pieraadoleć roznahałośsi i znajści ŭzajemavyhadnyja rašeńni pa ŭsich prablemnych pytańniach. Pra heta kiraŭnik dziaržavy zajaviŭ siońnia ŭ čas sustrečy z hubiernataram Kurhanskaj vobłaści Rasijskaj Fiederacyi Aleham Bahamołavym.
Kiraŭnik dziaržavy pavinšavaŭ rasijskich haściej z 65‑hodździem Pieramohi i adznačyŭ, što «mienavita dziakujučy źjadnanaści biełaruskaha, ruskaha, ukrainskaha i inšych narodaŭ stała mahčyma heta pieramoha». Na jaho dumku, hety histaryčny ŭrok aktualny i siońnia, kali asabliva nieabchodny sumiesnyja namahańni dla pieraadoleńnia niehatyŭnych nastupstvaŭ hłabalnaha ekanamičnaha kryzisu. Pakolki našy krainy, ich ekanomika i kultura źviazany tysiačami niciej.
Alaksandr Łukašenka zajaviŭ, što Rasija była i zastajecca hałoŭnym stratehičnym partnioram i sajuźnikam Biełarusi:
«Tak, u našych adnosinach nie ŭsio hładka. Časam drobiazny prahmatyzm i skaraciečnaja vyhada zasłaniajuć saboj zdarovuju łohiku i doŭhaterminovyja pierśpiektyvy.
Tamu ŭ našych ahulnych intaresach, nie adkładajučy na doŭhi čas, pieraadoleć roznahałośsi i znajści ŭzajemavyhadnyja rašeńni pa ŭsich prablemnych pytańniach».
Prezident adznačyŭ, što ŭ biahučym hodzie ŭ Rasii namieciłasia peŭnaja tendencyja ekanamičnaj stabilizacyi, źviazanaja z rostam pramysłovaj vytvorčaści: «Nas heta abnadziejvaje, pakolki my źviazany vielmi ciesna pramysłovaj kaapieracyjaj. Heta padšturchnie naš uzajemny handal, daść mahčymaść zachavać rabočyja miescy».
Pry hetym kiraŭnik dziaržavy padkreśliŭ, što Biełaruś stavić zadaču pavialičyć u 2010 hodzie abjom pramysłovaj vytvorčaści na 10‑11 pracentaŭ. Pavodle jaho słoŭ, vyniki pieršych miesiacaŭ hetaha hoda ŭsialajuć aptymizm i nadzieju na toje, što heta zadača budzie vykanana.
