Aficyjnaja pryčyna zabarony hiej‑paradu, jaki płanavałasia pravieści ŭ Minsku 15 traŭnia,‑‑ parušeńnie normy zakona «Ab masavych mierapryjemstvach», pavodle jakoj praviadzieńnie masavych manifestacyj nie dapuskajecca na adlehłaści mieniej za 200 mietraŭ ad padziemnych pierachodaŭ i stancyj mietro.
Arhanizatary hiej‑paradu płanavali pravieści šeście ad fiłarmonii da Akademii navuk, dzie minskija ŭłady zvyčajna dazvalajuć mitynhavać apazicyi. Adnak im nie dazvolili.
Tym nie mieniej aktyvisty ŁHBT‑ruchu nie admaŭlajucca ad zapłanavanaha mierapryjemstva, jany źbirajucca abskardžvać admovu Minharvykankama ŭ sudzie:
«Hiej‑Prajd musić adbycca. Heta mižnarodny festyval, na jaki ŭžo pačali pryjaždžać hości ź inšych krain. My hatovyja davieści hetuju spravu da Kamiteta pa pravach čałavieka AAN. My bolš rašuča i kardynalna padydziem da pytańnia dyskryminacyi i hamafobii», ‑‑ zajaviŭ z hetaj nahody biełaruski arhanizatar Słavianskaha hiej‑prajda Siarhiej Androsienka.
Miesca praviadzieńnia publičnaj akcyi i jaje farmat buduć ahučanyja paźniej.
