Ministerstva pa nadzvyčajnych situacyjach Biełarusi abnarodavała źviestki ab čatyroch ratavalnikach, zahinułych 11 maja pry tušeńni pažaru na terytoryi Minskaha zavoda vyličalnaj techniki. Infarmacyja raźmieščana na aficyjnym sajcie MNS.
Zahinułyja — Vadzim Lesik, Dźmitryj Łoŭdar, Andrej Muchin i Juryj Sysoj.
Staršy siaržant unutranaj słužby Vadzim Lesik, pažarny pažarnaj avaryjna‑ratavalnaj čaści № 2 Frunzienskaha rajonnaha adździeła pa nadzvyčajnych situacyjach Minskaha haradskoha ŭpraŭleńnia MNS, 1977 hoda naradžeńnia. Adukacyja siaredniaja. U 1998 hodzie skončyŭ Minski industryjalny technikum pa śpiecyjalnaści «technałohija silikatnych i tuhapłaŭkich niemietaličnych materyjałaŭ i vyrabaŭ». U orhanach i padraździaleńniach pa nadzvyčajnych situacyjach — z kastryčnika 2001 hoda, na pasadzie — z kastryčnika 2001 hoda. Žanaty, dvoje dziaciej.
Kapitan unutranaj słužby Dźmitryj Łoŭdar, načalnik varty pažarnaj avaryjna‑ratavalnaj čaści № 2 Frunzienskaha rajonnaha adździeła pa nadzvyčajnych situacyjach Minskaha haradskoha ŭpraŭleńnia MNS, 1975 hoda naradžeńnia. Adukacyja vyšejšaja. U 1997 hodzie skončyŭ Vyšejšaje pažarna‑techničnaje vučylišča MUS pa śpiecyjalnaści »pažarnaja technika i biaśpieka». U MUS, orhanach i padraździaleńniach pa nadzvyčajnych situacyjach — z kastryčnika 1993 hoda, na pasadzie — sa śniežnia 1997 hoda. Žanaty, adno dzicia.
Staršyna ŭnutranaj słužby Andrej Muchin, staršy pažarny pažarnaj avaryjna‑ratavalnaj čaści № 18 Frunzienskaha rajonnaha adździeła pa nadzvyčajnych situacyjach Minskaha haradskoha ŭpraŭleńnia MNS, 1969 hoda naradžeńnia. Adukacyja siaredniaja. U 1987 hodzie skončyŭ Minskaje siaredniaje prafiesijna‑techničnaje vučylišča № 34 čyhunačnaha transpartu pa śpiecyjalnaści «ślesar‑elektryk pa ramoncie elektraabstalavańnia ciepłavozaŭ». Ź listapada 1987 hoda pa śniežań 1989 hoda prachodziŭ słužbu va Uzbrojenych siłach SSSR. U MUS, orhanach i padraździaleńniach pa nadzvyčajnych situacyjach — z sakavika 1992 hoda, na pasadzie — sa śniežnia 1995 hoda. Žanaty, dvoje dziaciej.
Staršy siaržant unutranaj słužby Juryj Sysoj, pažarny pažarnaj avaryjna‑ratavalnaj čaści № 13 Maskoŭskaha rajonnaha adździeła pa nadzvyčajnych situacyjach Minskaha haradskoha ŭpraŭleńnia MNS, 1978 hoda naradžeńnia. Adukacyja siaredniaja. U 1995 hodzie skončyŭ SŠ № 3 horada Stoŭbcy Minskaj vobłaści. Sa śniežnia 1996 hoda pa maj 1998 hoda prachodziŭ słužbu va Uzbrojenych siłach. U MUS, orhanach i padraździaleńniach pa nadzvyčajnych situacyjach — z sakavika 1998 hoda, na pasadzie — ź lutaha 2002 hoda. Žanaty, adno dzicia.
