11 maja źmianiŭsia lider u čempijanacie Polščy pa futbole (ekstraliha).

Lider siezona krakaŭskaja «Visła» ŭ matčy-derbi zhulała ŭničyju z «Krakovijaj» (1:1),

a poznanski «Lech» vyrvaŭ pieramohu ŭ chožuŭskaha «Rucha» - 2:1.

Pryčym «Ruch» spačatku pavioŭ u liku, potym Robiert Levandoŭski na 69-j chvilinie zraŭniaŭ lik,

a na 2-j dadadzienaj chvilinie druhoha tajma biełarus Siarhiej Kryviec prynios pieramohu «Lechu».

Kłub vyjšaŭ na pieršaje miesca z 62 bałami. U «Visły» -- 61. Apošni tur projdzie 15 maja.

«Lech» zhulaje doma z «Zahlembie», a «Visła» - z «Odraj». Pačatak matčaŭ a 18-j pavodle biełaruskaha času.

Apošni raz «Lech» byŭ čempijonam Polščy ŭ 1993 hodzie. U minułym siezonie finišavaŭ 3-m.

***

Najlepšy hulec čempijanatu Biełarusi 2009 hoda Siarhiej Kryviec pryjšoŭ u «Lech» z BATE ŭ śniežni, tady jaho novy kłub paśla 16 turaŭ išoŭ na 4-m miescy, na vosiem bałaŭ adstajučy ad «Visły».

Kryviec u 12 matčach za «Lech» zabiŭ try hały.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?