12 traŭnia ŭ Kanach raspačynajecca 63-i mižnarodny kinafest.
Fest adkryvajecca stužkaj Rydli Skota «Robin Hud».
U konkursnuju prahramu ŭklučanyja 19 karcinaŭ. Siarod ich filmy kłasikaŭ — Takiešy Kitany («Svavola»), Majkła Li («Inšy hod»), Abasa Kiarastami («Zaćvierdžanaja kopija»), Biertrana Taviernje («Prycesa Mantpiensje»). U feście ŭdzielničajuć mieksikaniec Alachandra Hansales Ińjarytu, brytanski sacrealist Kien Łoŭč i kanski zaŭsiodnik Apičatponh Viejerasietakuł z Banhkoku.
U parušeńnie praviłaŭ kanskaha festu ŭ konkursie ŭdzielničaje film Mikity Michałkova «Stomlenyja soncam 2», užo pakazany ŭ kinateatrach.
Ale razynkaju kinafestu abiacaje stać debiutny film uradženca Baranavičaŭ Siarhieja Łaźnicy «Ščaście majo».Heta stužka pastaŭlenaja pry ŭdziele Niamieččyny, Hałandyi i Ukrainy. Hałoŭnuju rolu hraje aktor Biełaruskaha Teatru junaha hledača Viktar Niemiec. Pavodle siužetu kiroŭca-dalnabojnik źbivajecca z trasy i hublajecca na dzikich prastorach ruskaj pravincyi, dzie sustrakajecca ź vieteranami, prastytutkami, razbojnikami dyj milicyjantami.
Vyniki festu buduć padviedzienyja 23 traŭnia.
0
0
0
0
0
0
