Na vosień zapłanavana kanfierencyja vysokaha ŭzroŭniu dla abmierkavańnia stratehii raźvićcia adnosin ź Biełaruśsiu, paviedamiŭ bałharski deputat, kiraŭnik delehacyi Jeŭraparłamienta ŭ parłamienckaj asamblei palityki ES «Uschodniaje partniorstva» (Jeŭraniest) Kryścijan Vihienin.

Pavodle jaho słoŭ, čakajecca, što ŭ kanfierencyi voźmuć udzieł pradstaŭniki Jeŭrakamisii, Rady ES i Jeŭraparłamienta.

Jeŭradeputat adznačyŭ, što Rada ES rekamiendavała padrychtavać sumiesny pramiežkavy płan reform dla Biełarusi. «My ličym, što hety dakumient pavinien być hranična kankretnym, praduhledžvać dakładnyja abaviazacielstvy kožnaha z bakoŭ, za vykanańniem jakich možna prasačyć», — skazaŭ Vihienin.

«Kab ubačyć prahres u Biełarusi, staracca pavinien nie tolki Minsk: jeŭrastruktury pavinny mieć ahulnuju skaardynavanuju stratehiju, vyłučać nie tolki patrabavańni, ale i brać na siabie abaviazacielstvy», — zajaviŭ deputat. Jon adznačyŭ, što takaja «darožnaja karta» nie pavinna naviazvacca, a stvaracca ŭ supracoŭnictvie ź biełaruskimi ŭładami i hramadzianskaj supolnaściu krainy.

Vihienin ličyć, što biełarusy mohuć być niedastatkova infarmavany pra ES, jaho mety i kaštoŭnaści.

Jeŭradeputat taksama nazvaŭ niedastatkovym prahres u halinie demakratyčnych reform u Biełarusi. Pavodle jaho słoŭ, prezidenckija vybary «mohuć dać mocny impuls raźvićciu dvuchbakovych adnosin i surjozna paŭpłyvać na ich ahulnuju atmaśfieru». «Kali prezident Łukašenka tak upeŭnieny ŭ svajoj papularnaści, to nie budzie kantralavać vybarčuju kampaniju i naciskać na apazicyju», — miarkuje Vihienin.

31 kastryčnika 2010 hoda zaviaršajecca termin dziejańnia sankcyj u dačynieńni da biełaruskich čynoŭnikaŭ, a taksama častkovaje prypynieńnie hetych sankcyj.

Prezidenckija vybary ŭ Biełarusi pavinny prajści da lutaha 2011 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?