U Biełarusi zarehistravana bolš za vosiem miljonaŭ bankaŭskich kartak. Niekatoryja biełarusy majuć pa dźvie‑try kartki. Asnoŭnyja bankaŭskija sistemy — heta «Viza» i «MasterKard». Ale hod tamu źjaviŭsia treci kankurent — «Biełkart». U čym asablivaści kožnaj ź sistem?

I nie treba, i vykinuć škada

Nacyjanalnaja sistema «Biełkart» była stvorany apošniaj, ale jaje dola na rynku imkliva raście z dapamohaj administracyjnych mietadaŭ. Kartki «Biełkart» vydajuć jak davažku da «vizaŭskich» kartak. Tak, pa stanie na krasavik 2010 hoda ŭ zvarocie znachodziłasia 2 014 młn kartak «Biełkart». Heta bolš za čverć ad ahulnaj kolkaści. Hod tamu było mienš za 10%. Da prahramy ŭžo dałučylisia 13 bankaŭ.

Nieabchodnaść jaje stvareńnia¬ načalnik upraŭleńnia ahulnasistem¬naha raźvićcia «Bankaŭskaha pracesin¬havaha centra» Alaksandr Hłušakoŭ tłumačyć tak: «Płaciažy pry karystańni mižnarodnymi sistemami iduć praź mižnarodnyja banki, a Biełaruś vymušana płacić za heta valutaj».

Źniešnie biełaruskaja kartka nie adroźnivajecca ničym. Chiba nadpis na joj zrobleny kirylicaj, a nie łacinkaj. «NN» pisała, jak našyja čytačy damahlisia, kab na ich kartkach nadpis byŭ pa‑biełarusku, z «i», «ŭ» i apostrafam.

Nie zamiest, a razam

«MasterKard»i «Viza» byli stvoranyja jašče ŭ 1960—1970‑ia. Majučy na dźviuch 83% ad suśvietnaha abarotu płastykavych bankaŭskich kartak, jany biez prablem utrymlivajuć liderskija pazicyi i ŭ našaj krainie. Kampanii admaŭlajucca nazyvać svaje doli na biełaruskim rynku. Zastajecca tolki rabić prahnozy.

Hałoŭnaja funkcyjanalnaja pieravaha abiedźviuch sistem u paraŭnańni z «Biełkartam» — mahčymaść raźličycca pa‑za miežami krainy. Jany, darečy, dazvalajuć adkryvać rachunak u biełaruskich rublach ci dalarach. A ŭ vypadku z «Vizaj» jašče i ŭ jeŭra.

Ź inšaha boku, usiaho 1% ad usich tranzakcyj, jakija ździajśniajucca biełaruskimi kartkami, prychodziacca na zamiežža. Biełarusam praściej vypravicca za miažu z najaŭnymi ŭ kišeni i nie płacić kamisijny zbor —2—4% ad zdymanaj sumy ŭ bankamacie.

A voś dźvie ŭzajemazamianialnyja kartki — davoli vyhadnaja reč. Biełarusy znajšli plusy ŭ hetaj situacyi. Naprykład, adnu kartku biare sabie muž, druhuju — žonka, što dazvalaje karystacca rachunkam adnačasova. Choć pa instrukcyjach bankaŭ płaciažy mohuć prymacca tolki ad ułaśnika kartki. Ale na hetuju akaličnaść zvyčajna nie źviartajuć uvahu.

U dadatak, kali kartka złamajecca ci zhubicca, možna časova karystacca inšaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?