«Spadziajusia, nichto z tutejšych nie źbirajecca na hiej-parad?» — takoje paviedamleńnie źjaviłasia siońnia na aficyjnym tvitery HUUS. Nastupnyja zajavy ź mikrabłohu staličnaj milicyi byli daloka nie palitkarektnymi:

«Pryznajusia ščyra — AMAPaŭcy raźjušany, i nastrojeny na miasiłava zadniepryvadnych asabliva ahresiŭna. Tamu trymajciesia padalej… Kropli kryvi zapyrskajuć focik, kavałki miasa i hm…čahości jašče…»
— papiaredžvaŭ milicyjanier, jaki viadzie mikrabłoh HUUS na tvitery.

Praź niekalki hadzin hetyja dopisy z tvitera byli vydaleny, adnak zastalisia ich skryn-šoty:

Padrabiaznuju pierapisku i skryn-šoty možna znajści ŭ žž-karystalnikaŭ slavak-time i toxaby Miž inšym, ź jaje vynikaje, što milicejskaje kiraŭnictva aktyŭna sprabavała praz tviter daviedacca pra miesca praviadzieńnia hiej-prajdu ŭ žurnalistaŭ.

Nahadajem, što 1 maja 2010 hoda Minskaje haradskoje ŭpraŭleńnie ŭnutranych spraŭ zaviało sabie rachunak u sacyjalnych sietkach Twitter i Livejournal pad nikam GUVD_MINSK .

«Sajt minskaha HUUS paśpiachova pracuje faktyčna try hady. Kryteram jaho karysnaści źjaŭlajecca toj fakt, što kolkaść našych naviedvalnikaŭ pastajanna raście, — zajaviŭ tady vykanaŭca abaviazkaŭ načalnika adździeła ideałohii HUUS Minharvykankama Valeryj Matejka. — Štodzionna na sajt zachodzić ad 1,5 da 2,5 tysiačy karystalnikaŭ. Ale, z druhoha boku, ciapierašni bahaty ź infarmacyjnaha punktu hledžańnia źmiest sajta HUUS moh by prynieści karyść značna bolšaj kolkaści karystalnikaŭ bajnieta. Z ulikam taho, što błohaśfiera i sacyjalnyja sietki nabirajuć abaroty niejmaviernymi tempami, my i vyrašyli pačać asvojvać hetyja biaskrajnija prastory».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?