15 maja vyznačyŭsia čempijon Polščy pa futbole ŭ ekstralizie. Poznanski «Lech», za jaki vystupaje biełarus Siarhiej Kryviec, u apošnim tury vyjhraŭ doma ŭ «Zahlembie» ź likam 2:0 i ŭpieršyniu z 1993 hoda zavajavaŭ załatyja miedali.

 Sport.pl

Sport.pl

Siarhiej paŭdzielničaŭ u druhim hole kłuba, jaki zaviaršyŭsia trapnym strełam najlepšaha bambardzira hetaha čempijanata Robierta Levandoŭskaha (18 miačoŭ). Darečy, letam Levandoŭski sychodzić u dortmundskuju «Barusiju».

Hałoŭny apanient «Lecha» krakaŭskaja «Visła» zhulała doma ŭničyju z «Odraj» - 1:1.

Takim čynam u «Lecha» – 65, u «Visły» – 62.

«Lech» staŭ šaścirazovym čempijonam Polščy (1983, 1984, 1990, 1992, 1993, 2010).

Letaś kłub finišavaŭ trecim.

Zavajavańniu załatych miedaloŭ paspryjaŭ pierachod u kłub i najlepšaha futbalista Biełarusi 2009 hoda. Siarhiej Kryviec pierajšoŭ z BATE u śniežni. Pryčym tady «Lech» paśla 17 turaŭ zajmaŭ 4-ty radok i adstavaŭ ad krakaŭskaj «Visły» na vosiem punktaŭ!

Siarhiej zhulaŭ 13 matčaŭ, zabiŭ try miačy.

Pryčym treci jahony miač staŭ sapraŭdnym załatym. U minułym tury mienavita hoł Siarhieja na 2-j dadadzienaj chvilinie vyvieŭ «Lech» na pieršaje miesca.

***

Taksama siońnia Dzianis Koŭba vyjhraŭ čempijanat Čechii ŭ składzie "Sparty". U siezonie 2009-2010 jon pravioŭ vosiem matčaŭ za kłub.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?