Ekśpierty i kaardynatary hramadskaj kampanii «Havary praŭdu» 19 maja davali pres‑kanfierencyi z nahody pieratrusaŭ i zatrymańniaŭ, što adbylisia napiaredadni.

Na mierapryjemstvie prysutničali publicyst Alaksandr Fiaduta, pravaabaronca Taćciana Proćka, žurnalist Alaksandr Ulicionak, pradprymalnik Mikałaj Pachabaŭ, palitołah Śviatłana Navumava, lider partyi «Spraviadlivy śviet» Siarhiej Kalakin i namieśnik staršyni AHP Leŭ Marholin.

 Na fota (źleva naprava): Śviatłana Navumava, Alaksandr Fiaduta, Alaksandr Ulicionak, Taćciana Proćka i Siarhiej Kalakin.

Na fota (źleva naprava): Śviatłana Navumava, Alaksandr Fiaduta, Alaksandr Ulicionak, Taćciana Proćka i Siarhiej Kalakin.

 Śviatłana Navumava i Alaksandr Fiaduta.

Śviatłana Navumava i Alaksandr Fiaduta.

«Adbyłasia pakazalnaja apieracyja, jak pahramić hramadskich aktyvistaŭ. Heta była spłanavanaja akcyja. Jana pakazała, jakoje značeńnie ŭłady nadavali kampanii. Razam z tym, śledčyja navat nie razumieli, što patrebna šukać», — kaža A.Fiaduta.

«Kampanija nie zajmałasia palitykaj u jaje tradycyjnym razumieńni. My zajmalisia tym, što vykazvali svaju pazicyju pa jakaści pracy ŭładaŭ. A taksama my vypraŭlali tuju niespraviadlivaść u dačynieńni da vialikaha piśmieńnika Vasila Bykava. Tempy zboraŭ podpisaŭ za nadańnia imia Bykava vulic u Minsku i Hrodna išli chutčej za lubuju palityčnuju kampaniju za časami Łukašenki», — praciahvaje publicyst.

A što dalej? «Zbor podpisaŭ praciahniecca. A taksama my zrobim usio mahčymaje, kab našy lidery apynulisia na svabodzie».

«Bili nie pa ludziach, bili pa praŭdzie, — havoryć Taćciana Proćka. — Zatrymanym nie kazali, što im inkryminujuć. Častka ludziej napałochanaja. U 1934‑1937 hadach miechanizm represij byŭ takim samym».

Palitołah Śviatłana Navumava kaža, što reakcyja ŭładaŭ na tyja plotki, što za kampanijaj «Havary praŭdu» stajać rasijanie. «Ułada paviała siabie nie jak ułada, a jak bazarnaja baba, jakaja słuchaje hetyja plotki. Hety palityčny pahrom jość vysokaj acenkaj «Havary praŭdu».

Alaksandr Fiaduta dadaje, što nijakich suviaziaŭ z Rasijaj niama. A razhrom jon aceńvaje, jak sprobu razmovy z Zachadam, ale «ciapier Zachad nie paddasca na taki šantaž».

Siarhiej Kalakin pavinšavaŭ kampaniju z «vydatnym pośpiecham». «Za sutki ŭłada zrabiła dla «Havary praŭdu» bolš, čym jany b sami rabili miesiacami. Pry ŭsioj trahičnaści situacyi — heta vialiki pośpiech. Ułady nie viedajuć sami, što robiać.

Toje, što adbyłosia — heta zvyčajny fašyzm. U tym razumieńni, jakoje ŭkładvaŭ u jaho Bienita Musalini. Ničoha nie moža być nie pad kantrolem dziaržavy, a što nie traplaje pavinna być źniščana», — kaža S.Kalakin.

Lider «Spraviadlivaha śvietu» skazaŭ, što partyja ŭsprymaje «Havary praŭdu» jak karysnuju. Było rekamiendavała siabram partyi aktyŭna ŭklučycca ŭ pracu kampanii. Toje samaje datyčyć i AHP.

«Mahčyma, ułady spałochalisia, što Niaklajeŭ abvieścić ab svaim udziele ŭ prezidenckich vybarach. Ale takija dziejańni robiać represavanych samymi papularnymi palitykami», — havoryć Leŭ Marholin.

Pa słovach Śviatłany Navumavaj, praca kampanii praciahvajecca. Užo ŭ sieradu aktyvisty «Havary praŭdu» razdavali śpiecvypusk haziety «Svobodnyje novosti» na prachadnoj mahiloŭskaha «Chimvałakna».

Kali adnović pracu sajt kampanii jašče nieviadoma, bo kanfiskavanaja ŭsia arhtechnika. Alaksandr Ulicionak paprasiŭ dapamahčy im, jak toje niadaŭna było z «Chartyjaj‑97», kali ŭ ich kanfiskavali kamputary.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?