Kurs dalara ZŠA pa vynikach praviedzienych 25 maja biržavych tarhoŭ vyras na 5 rubloŭ i skłaŭ 3.000 rubloŭ.
Pavodle BVFB, u tarhach dalaram udzielničała 27 bankaŭ. Abjom ździełak skłaŭ 14 młn. 58 tys. (popyt — 14 młn. 58 tys., prapanova — 8 młn. 454 tys.).
U tarhach rasijskim rublom udzielničała 28 bankaŭ. Kurs źniziŭsia na 1,55 rubla da 95,45 rubla. Abjom tarhoŭ skłaŭ 346 młn. 858 tys. rasijskich rubloŭ (popyt — 216 młn. 758 tys., prapanova — 353 młn. 858 tys.).
U tarhach jeŭra ŭziali ŭdzieł 26 bankaŭ. Abjom ździełak skłaŭ 14 młn. 837 tys. (popyt — 14 młn. 777 tys., prapanova — 19 młn. 401 tys.), a kurs źniziŭsia na 74 rubli da adznaki 3.673 rubli za jeŭra.
U adnosinach da valutnaha košyka (dalar ZŠA, jeŭra, rasijski rubiel) biełaruski rubiel umacavaŭsia na 1,10% u paraŭnańni z papiarednim značeńniem: košt košyka skłaŭ 1.017,01 rubla suprać 1.028,31 rubla dniom raniej.
Z pačatku hoda kurs biełaruskaha rubla da valutnaha košyka ŭmacavaŭsia na 1,86%. Pry hetym da dalara ZŠA kurs źniziŭsia na 4,79%, da rasijskaha rubla źniziŭsia na 0,83%, da jeŭra — umacavaŭsia na 10,54%. Na 2010 hod kalidor vahańniaŭ kursu biełaruskaha rubla ŭ adnosinach da košyka valut ustanoŭleny ŭ miežach plus/minus 10%.
