U stalicy Novaj Ziełandyi horadzie Vielinhtan adkryłasia ekśpierymientalnaja charčovaja krama. Siarod bahataha vybaru chlebabułačnych, kandytarskich, miasnych i rybnych vyrabaŭ, harodniny i sadaviny pakupnik nie znojdzie ceńnikaŭ, bo tavary adpuskajecca tut absalutna biaspłatna.
Pavodle słovaŭ inicyjatara dabračynnaj akcyi, a pa sumiaščalnictvie mastački Kim Patan, asartymient kramy davoli raznastajny. «Reč u tym, što ŭsie tavary pastupajuć na palicy ź inšych supiermarkietaŭ, — raspaviała Patan.
—Inšymi słovami, heta reštki, jakija nie paśpiavajuć pradać da zakančeńnia terminu prydatnaści. Naprykład, piakarni pry bujnych handlovych kropkach štodnia pradukujuć vialikuju kolkaść chlebabułačnych vyrabaŭ, a nierealizavanuju za dzień pradukcyju zatym davodzicca vykidvać. Anałahičnaja situacyja ŭźnikaje z aharodninaj i sadavinaj, bo jany chutka psujucca, małočnymi vyrabami. Takim čynam, my adrazu robim dźvie dobryja spravy: dapamahajem małamajomasnym i imkniemsia da pamianšeńnia adkidaŭ», — zaŭvažyła Patan.
«Na dziva ideja była z entuzijazmam uspryniata pradprymalnikami, — dadała Kim Paton. — My hatovyja supracoŭničać nie tolki z charčovymi kramami, ale i restaranami, fiermierami». Pry hetym jana padkreśliła, što niezvyčajnaja krama budzie pracavać šeść dzion na tydzień z 10 ranicy — da 6 viečara ciaham dvuch tydniaŭ.
Ci majuć biaspłatnyja kramy budučyniu, pakaža čas, — ličyć Patan. — Spadziajusia, što inicyjatyva pryniasie svoj plon».
