AAT «Biełtranshaz» da 20 listapada stvoryć zapasy aktyŭnaha pryrodnaha hazu na budučy zimovy siezon. Ab hetym zajaviŭ siońnia na pasiadžeńni Prezidyuma Saŭmina ministr ekanomiki Biełarusi Mikałaj Snapkoŭ.
«Praduhledžana stvareńnie da 20 listapada AAT «Biełtranshaz» zapasaŭ aktyŭnaha pryrodnaha hazu dla adboru ŭ Asipovickim, Prybuhskim i Mazyrskim schoviščach hazu ŭ maksimalna mahčymych pa techničnych paramietrach abjomach», — skazaŭ ministr.
Pry hetym jon adznačyŭ, što finansavańnie kupli pryrodnaha hazu praduhledžvajecca za košt ułasnych srodkaŭ AAT «Biełtranshaz» i pryciahnieńnia kredytnych resursaŭ. «Zapampoŭvańnie hazu pravodzicca ŭ adpaviednaści z hrafikam z ulikam cenavaha faktaru», — dadaŭ Mikałaj Snapkoŭ.
Ministr taksama nahadaŭ, što vyznačany zadańni pa stvareńniu nieabchodnych zapasaŭ topačnaha mazutu. Na 1 kastryčnika ŭ asnoŭnych spažyŭcoŭ pavinna być nazapašana krychu bolš za 480 tys.t paliva. Zhodna z danymi na 1 maja 2010 hoda, u cełym pa respublicy zapasy topačnaha mazutu skłali 492 tys.t, u tym liku ŭ sistemie Minenierha — 361,9 tys.t, što składaje 102,5 pracenta ad zapłanavanych zapasaŭ na 1 kastryčnika.
Abjomy zakuplajemych u 2010 hodzie paliŭnych brykietaŭ u abłaściach i Minsku vyznačany na ŭzroŭni 565 tys.tup. Heta norma nakiravana na pavieličeńnie vykarystańnia paliŭnych brykietaŭ i pavyšeńnie rentabielnaści raboty torfapradpryjemstvaŭ.
