Členami respublikanskaha hramadskaha abjadnańnia «Biełaja Ruś» źjaŭlajucca 38% deputataŭ abłasnych i Minskaha haradskoha savietaŭ. Pra heta paviedamiŭ namieśnik staršyni arhanizacyi deputat Pałaty pradstaŭnikoŭ Alaksandr Šaćko.
Usiaho, pavodle jaho infarmacyi, na miascovych vybarach deputatami byli abranyja 2.726 členaŭ abjadnańnia, što składaje 13% ad ahulnaj kolkaści deputataŭ savietaŭ usich uzroŭniaŭ.
Členami «Biełaj Rusi» źjaŭlajucca 159 (38%) z 415 deputataŭ abłasnych, Minskaha haradskoha savietaŭ. U Minskim haradskim saviecie členami arhanizacyi źjaŭlajecca 61% deputataŭ, u Hrodzienskim abłasnym — 53%, Bresckim abłasnym — 50%, Minskim i Mahiloŭskim abłasnych — pa 40%.
Šaćko paviedamiŭ, što ŭsiaho ŭ vybarčaj kampanii ŭziali ŭdzieł bolš jak 52 tys. členaŭ abjadnańnia. U skład vybarčych kamisij roznaha ŭzroŭniu šlacham vyłučeńnia ad arhanizacyjnych struktur «Biełaj Rusi» ŭklučana 4.177 čałaviek. Z ulikam vyłučeńnia inšymi sposabami ŭsiaho ŭ pracy vybarčych kamisij roznaha ŭzroŭniu było zadziejničana 16.506 členaŭ «Biełaj Rusi», što skłała 20% ad kolkasnaha składu kamisij.
U dni daterminovaha i asnoŭnaha hałasavańnia za vybarami nazirali 5.153 členy «Biełaj Rusi».
