«Naftavy šok u Biełarusi nikudy nie źnik», — paviedamiŭ 25 maja na bryfinhu ŭ Minsku kiraŭnik misii MVF pa Biełarusi Krys Džarvis.
«Padčas svajoj papiaredniaj misii my zrabili acenku, u adpaviednaści ź jakoj košt hetaha naftavaha šoku dla Biełarusi ŭ hetym hodzie
składzie kala 2 młrd. dalaraŭ», — zajaviŭ jon.
Nahadajem, što ŭ takuju ž sumu acanili vydatki biełaruskaj kazny z pryčyny ŭviadzieńnia Rasijaj pošlin na naftu i biełaruskija čynoŭniki — u biełaruskim ekvivalencie heta prykładna 5,9 trłn. rubloŭ.
Biełaruski ŭrad spadziajecca, skazaŭ Džarvis, što ŭ vyniku pieramoŭ z Rasijaj pa imparcie nafty ŭ ramkach Mytnaha sajuza ŭdasca palepšyć umovy pastavak čornaha zołata ŭ krainu. Jon vykazaŭ mierkavańnie, što ŭrad raspačaŭ dobryja zachady ŭ adkaz, zaćvierdziŭšy płany pa skaračeńni ŭpłyvu hetaha šoku na ekanomiku krainy. Usie hetyja miery, pavodle słoŭ kiraŭnika misii MVF, pieraličany ŭ apošnim dakumiencie, padrychtavanym supracoŭnikami MVF u ramkach zaviaršalnaha ahladu pa prahramie pamiž Biełaruśsiu i fondam.
«Što da źniešnich ryzykaŭ, to, najpierš, u Biełarusi vielmi adkrytaja ekanomika z vysokim impartam i ekspartam, — skazaŭ Džarvis. — I heta aznačaje, što ekanamičnaje raźvićcio respubliki da peŭnaj stupieni zaležyć ad pavyšeńnia popytu na ekspart, jaki ŭ svaju čarhu zaležyć ad stanu ekanomik krain‑partnioraŭ».
