Fota Salidarnaści
U aŭtorak, 25 maja, u Osła prajšoŭ pieršy paŭfinał piesiennaha konkursu «Jeŭrabačańnia», pa vynikach jakoha vyznačylisia pieršyja dziesiać finalistaŭ.
Pradstaŭnik Biełarusi, hurt «3+2», jaki vystupaŭ ź pieśniaj Butterflies ("Matylki") u supravadžeńni šviedskaha pijanista i kampazitara Robierta Uełsa, prajšoŭ u finał.
U hurt uvachodziać Arciom Michalenka, siostry-bliźniaty Alena i Ninel Karpovičy, Julija Šyško i Jehiazar Farašjan.
«3+2» hladzielisia vielmi dobra na fonie astatnich vykanaŭcaŭ, lepšym padałosia chiba vystupleńnie rasijanina Piatra Naliča ź jaho hrupaj.
U finał taksama trapili pradstaŭniki Bośnii, Małdovy, Rasii, Hrecyi, Partuhalii, Sierbii, Bielhii, Ałbanii, Isłandyi.
Druhi paŭfinał projdzie ŭ čaćvier. Finał – 29 maja (subota). Pačatak a 22-j
U finale Biełaruś vystupić pad 9-m numaram.
U minułym hodzie pradstaŭnik našaj krainy Piotr Jałfimaŭ u finał nie prajšoŭ, zaniaŭšy ŭ svaim paŭfinale 13-je miesca (25 bałaŭ). Pieramohu ŭ finale atrymaŭ uradženiec Minska, narvieh Alaksandr Rybak.
Dla Biełarusi sioleta heta budzie druhi finał.
Pieršym Biełaruś u finał vyvieŭ u 2007 hodzie na konkursie ŭ Chielsinki Dźmitry Kałdun, jaki zaniaŭ u vyniku vysokaje 6-je miesca.
U 2008 h. Rusłan Alachno byŭ u paŭfinale 17-m, u 2006-m Palina Smołava -- pieradapošniaj (22-je miesca), u 2005-m Anžalika Ahurbaš u paŭfinale zaniała 13-je miesca.
Pieršy raz Biełaruś udzielničała ŭ Jeŭrabačańni ŭ 2004 hodzie. Duet «Alaksandra i Kanstancin» zaniaŭ u svaim paŭfinale 19-je miesca.
