Hramadzkaja rada Ńju‑Jorku ŭchvaliła plan budaŭnictva miačeci pobač z tak zvanaj placoŭkaj Ground Zero, dzie znachodzilisia źniščanyja ŭ vyniku terarystyčnych atak viežy‑dvajniaty Suśvietnaha handlovaha centru.

Rašeńnie ab budaŭnictvie było ŭchvalenaje 29 hałasami, suprać vystupiŭ adzin čałaviek. Jašče 10 členaŭ hramadzkaj rady horadu ŭstrymalisia ad hałasavańnia.

Inicyjataram budaŭnictva miačeci ŭ 200 metrach ad placoŭki, dzie stajali razburanyja 11 vieraśnia 2001 h. chmaračosy, źjaŭlajecca imam i viadomy ŭ ZŠA prapahandyst isłamu Fejzał Abduł Rauf. Mienavita jon raniej nabyŭ za 5 miljonaŭ dalaraŭ budynak pad miačeć niepadalok ad Ground Zero. Akramia miačeci jon taksama planuje ŭźviadzieńnie 13‑paviarchovaha isłamskaha kulturnaha centra.

Pa słovach Raufa, miačeć stanie symbalem niepryniaćcia teraryzmu bolšaściu musulmanaŭ.

Miarkujecca, što miačeć budzie adkrytaja 11 vieraśnia 2011 hodu, heta značyć roŭna praz 10 hadoŭ paśla teraktaŭ, u vyniku jakich zahinuli bolš za try tysiačy čałaviek. Na budaŭnictva budzie vydatkavana 150 miljonaŭ dalaraŭ.

Aktyvisty ź liku praciŭnikaŭ budaŭnictva miačeci źbirajuć u internecie podpisy pad petycyjaj z patrabavańniem admovicca ad pabudovy relihijnaha budynka. 6 červienia ŭ Ńju‑Jorku pavinna adbycca vuličnaja akcyja pratestu suprać budaŭnictva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?