10-hadovuju školnicu vyratavali pasažyry padziemki, jakija prychnuli ŭvahu mašynista i dapamahli dziaŭčyncy vybracca z pastki.

U redakcyju TUT.BY patelefanavaŭ vidavočca Alaksandr, jaki raspavioŭ: «Siońnia prykładna ŭ 16.40 na stancyi mietro «Niamiha» spyniŭsia ciahnik. Adny ludzi vyjšli, inšyja zajšli. I tut chtosmci ź ludziej staŭ kryčać, što nie treba jechać, stali machać rukami… i kazać, što pamiž vahonami zvaliłasia dziaŭčynka».

Pa słovach śviedki zdareńnia, niechta ź vidavočcaŭ praciahnuŭ dziaŭčyncy ruki i jaje vyciahnuli. Na vyhlad dziaŭčyncy, pa słovach Alaksandra, było 10–12 hadoŭ. «Jana sabie łob raźbiła. Prybiehła milicyja, niechta z supracoŭnikaŭ mietrapalitena. Vyklikali chutkuju», — raspavioŭ čytač. Praz paru chvilin ciahnik kranuŭsia.

Situacyju prakamientavaŭ načalnik AUS pa achovie Minskaha mietrapalitena Siarhiej Kajałovič. Jon raspavioŭ: «Situacyja była takaja: dziaŭčynka biehła na ciahnik, nasustrač joj bieh małady chłopiec. Jany sutyknulisia, i dziaŭčynka ŭpała. Pobač stajali mužčyny, jakija padali ruki, i dziaŭčynku vyciahnuli».

Pavodle infarmacyi S. Kajałoviča, miedyk chutkaj dapamohi ahledzieŭ dziaŭčynku, surjoznych paškodžańniaŭ nie znajšoŭ, mahčyma, za vyklučeńniem, siniakoŭ i drapinaŭ. Dziaŭčynku zabrali baćki, adčuvaje jana siabie dobra. Paciarpiełaj — 10 hadoŭ. Chłopiec, što sutyknuŭsia ź joj — taksama školnik, 10-kłaśnik.

Zatrymka ciahnika skłała adnu chvilinu. Dapuščalny čas zatrymki ŭ hadzinu pik — dźvie chviliny, paviedamili TUT.BY.

Darečy, dva hady tamu ŭ Sankt-Pieciarburhu padobny vypadak skončyŭsia trahična. Maładaja dziaŭčyna ŭpała na rejki pamiž vahonami mietro. Nichto nie pryciahnuŭ ŭvahi mašynista i nie spyniŭ ciahnik — dziaŭčyna zahinuła.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?