Biełaruś budzie hatova da debiutnaha raźmiaščeńnia jeŭrabondaŭ na praciahu adnaho tydnia. Pra heta paviedamiŭ 28 maja žurnalistam pieršy namieśnik ministra finansaŭ Uładzimir Amaryn.
«My hatovy da vychadu, rašeńnie pryniata. Pry stanoŭčym sihnale ad arhanizataraŭ nam spatrebicca tydzień, kab vyjści na raźmiaščeńnie», — padkreśliŭ namieśnik ministra.
Pry hetym Amaryn zaznačyŭ, što terminy praviadzieńnia road‑šou pakul dakładna nie vyznačany. Pavodle jaho słoŭ, abjom vypusku jeŭrabondaŭ — da 1 młrd. «Kankretnaja suma budzie vyznačacca padčas padpiski ŭ zaležnaści ad zapaŭnieńnia zajavak», — skazaŭ namieśnik ministra.
***
Jeŭrabondy (jeŭraablihacyi) — raznavidnaść doŭhaterminovych kaštoŭnych papier. Heta daŭhavyja abaviazacielstvy, što cyrkulujuć na rynku jeŭravalut. Pazyčalnikami, jakija vypuskajuć jeŭrabondy, vystupajuć urady, karparacyi, mižnarodnyja arhanizacyi, zacikaŭlenyja ŭ atrymańni hrašovych srodkaŭ na praciahły termin (ad 7 da 40 hadoŭ). Raźmiaščajucca jeŭrabondy inviestycyjnymi i kamiercyjnymi bankami. Jany źjaŭlajucca adnym z najbolš nadziejnych finansavych instrumientaŭ. Tamu asnoŭnymi ich pakupnikami źjaŭlajucca instytucyjanalnyja inviestary: strachavyja i piensijnyja fondy, inviestycyjnyja kampanii.
