Navukovaja łabaratoryja «Fieniks» na Marsie pierastała funkcyjanavać. Sproba NASA ŭstalavać suviaź z aparatam vynikaŭ nie dała.

Pra heta paviedamili ŭ łabaratoryi reaktyŭnaha ruchu (Pasadena, Kalifornija), jakaja kantraluje aparaty na Marsie.

— «Fieniks» vielmi dapamoh u daśledavańniach i pracavaŭ daŭžej za mierkavany termin ekspłuatacyi, — paviedamiŭ supracoŭnik łabaratoryi Fok Li. Niahledziačy na toje, što praca kaśmičnaha aparatu ŭžo skončanaja, vyvučeńnie infarmacyi pra dziejnaść navukovaj łabaratoryi praciahniecca jašče niekatory čas.

Kantakt z «Fieniksam» pierarvaŭsia ŭ listapadzie 2008 hodu. U studzieni, lutym i krasaviku hetaha hodu NASA biespaśpiachova sprabavała adnavić suviaź z łabaratoryjaj.

Miarkujecca, što «Fieniks» sparalizavali surovyja marsijanskija zimy. Na zdymkach, zroblenych na stancyi Mars-Adysiej, bačnyja źmieny ŭ raźmiaščeńni cieniu ad aparata ŭ paraŭnańni ź pieryjadam jaho aktyŭnaj dziejnaści. Ekśpierty NASA pryjšli da vysnovy, što heta pakazvaje na ŭtvareńnie toŭstaha płasta lodu na paneli soniečnych batarejaŭ. Miarkujučy pa ŭsim, lod paškodziŭ abo razburyŭ paneli.

«Fieniks» ździejśniŭ pasadku na Čyrvonuju płanietu 25 maja 2008. Zamiest troch miesiacaŭ, zapłanavanych łabaratornymi daśledavańniami, jakija kaštavali $475 młn, jon prapracavaŭ piać. «Fieniks» pieradaŭ na Ziamlu kala 25 tysiač zdymkaŭ. Ź jaho dapamohaj byli znojdzienyja dva minierały, pakazvajučy, što ŭ minułym na Marsie była vada.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?