Čempijanat Jeŭropy pa futbole 2016 hoda projdzie ŭ Francyi. Takuju pastanovu ŭ piatnicu pryniaŭ na svaim pasiadžeńni ŭ Ženievie UEFA.
Zajaŭku Francyi prezientavali prezident krainy Nikala Sarkazi i dvuchrazovy ŭładalnik «Załatoha miača» Ziniedzin Zidan.
Mienavita ŭ Francyi prajšoŭ pieršy ŭ historyi rozyhryš Kubka Jeŭropy, pieramohu na jakim atrymała zbornaja SSSR (1960), druhi raz Francyja była haspadyniaj kantynientalnaha pieršynstva ŭ 1984 h., i jaje zbornaja tady stała pieramožcam.
Supiernikami Francyi za prava pravieści Euro‑2016 byli Turcyja, za jakuju ŭ Ženievie ahitavaŭ prezident Abduła Hiul, i Italija.
Adznačym taksama, što ŭ 2016 hodzie ŭ finalnaj stadyi čempijanata Jeŭropy upieršyniu ŭ historyi vystupiać 24 zbornyja, a nie 16, jak heta było z 1996 hoda. Hulni projduć u dzieviaci haradach, jakija vybieruć z 12 pretendentaŭ: Paryža, Łansa, Sen‑Deni, Lila, Bardo, Niccy, Tułuzy, Marsela, Lijona, Strasburha, Sent‑Ećjena i Nansi.
Čempijanat Jeŭropy pa futbole 2012 hoda projdzie ŭ Polščy i va Ukrainie.