«Hazieta tvorčaj intelihiencyi Biełarusi», tydniovik «Litaratura i Mastactva» pačaŭ drukavać asobnyja materyjały na rasiejskaj movie. Hetak, u pieršym numary dadatku «Knižny śviet», jaki «LiM» drukuje sumiesna z Nacyjanalnaj knižnaj pałataj Biełarusi, z 12 materyjałaŭ 7 — pa-rasiejsku.
Dadatak «Knižny śviet» maje znajomić čytačoŭ z navinami ajčynnaha druku i knihahandlu.
«Litaratura i Mastactva» — dziaržaŭnaja hazieta, jakaja aśviatlaje kulturnaje žyćcio krainy. U haziecie ŭpieršyniu byli apublikavanyja šmat jakija tvory Janki Kupały, Jakuba Kołasa, Ivana Mieleža i Vasila Bykava. «LiM» znakamity tym, što ŭ svoj čas upieršyniu nadrukavaŭ pieravarotny artykuł Paźniaka i Šmyhalova pra Kurapaty.
Zasnavany jašče ŭ 1932, «LiM» navat u stalinskija časy vychodziŭ vyklučna pa-biełarusku.