9 červienia 2010 hoda ŭ Jeŭrapiejskim humanitarnym univiersitecie adbudziecca ŭračystaje adkryćcio Centra vyvučeńnia historyi i kultury habrejstva ŭ Biełarusi.
Čakajecca prysutnaść biełaruskich, litoŭskich i łatyšskich daśledčykaŭ, jakija pracujuć u śfiery daśledvańnia habrejskaj kultury, navukoŭcaŭ, jakija zajmajucca sumiežnaj tematykaj, pradstaŭnikoŭ hbrejskich supołak Biełarusi i Litvy i inšych hanarovych haściej – paviedamlaje pres-słužba EHU.

U sakaviku hetaha hoda na pasiadžeńni Sienata Jeŭrapiejskaha humanitarnaha univiersiteta była ŭchvalenaja kancepcyja Centra vyvučeńnia historyi i kultury habrejstva ŭ Biełarusi. Metaj dziejnaści Centra źjaŭlajecca navukova-arhanizacyjnaja rabota pa dadzienaj tematycy. Jaho dziejnaść budzie skancentravana ŭ nastupnych halinach: praviadzieńnie navukovych kanfierencyj, sieminaraŭ, dyskusijnych kruhłych stałoŭ, vydańnie navukovaha štohodnika, pryśviečanaha daśledavańniam habrejskaj historyi i kultury, vydańnie manahrafij i zbornikaŭ dakumientaŭ, archieahrafičnaja i daśledčaja praca.

Centr maje ŭznačalić kandydat histaryčnych navuk Dźmitryj Šavialoŭ.

Da pracy nad roznymi prajektami Centra płanujecca pryciahvać biełaruskich, litoŭskich, łatyšskich, polskich i izrailskich daśledčykaŭ, u čyju śfieru navukovych intaresaŭ uvachodzić habrejskaja prablematyka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?