«Vybrany i ŭpaŭnavažany narodam». Tak nazyvajecca ekskluziŭnaja kniha na biełaruskaj movie prezidenta Turkmienistana Hurbanhuły Bierdymuchamiedava. Jaje prezientacyja dniami adbyłasia ŭ Minsku ŭ načnym kłubie «Bradviej».
Prezientacyja, praŭda, prajšła ŭ viačerni čas i była prymierkavanaja da adkryćcia ŭ biełaruskaj stalicy miascovaha kulturna‑aśvietnaha fondu «Bachar», što ŭ pierakładzie z turkmienskaj movy aznačaje viasna. Fond stvorany pradstaŭnikami turkmienskaj dyjaspary ŭ Biełarusi dla sadziejničańnia zbližeńniu dvuch narodaŭ, uzajemaŭzbahačeńnia ich kultur, pahłybleńnia supracoŭnictva ŭ roznych śfierach, u tym liku i ŭ ekanamičnaj. I svaju vysakarodnuju dziejnaść fond pačaŭ z prezientacyi knihi turkmienskaha lidara.
U joj, u pryvatnaści, jon addaje daninu pavahi turkmienskaj duchoŭnaj spadčynie, bahatamu histaryčnamu minułamu svajho naroda, akreślivaje płany raźvićcia krainy na najbližejšuju i dalokuju pierśpiektyvu, havoryć pra maštabnyja prajekty, jakija źmieniać da lepšaha žyćcio turkmienaŭ.U realizacyi hetych vieličnych płanaŭ, budziem spadziavacca, nie apošniuju rolu adyhraje pahłybleńnie ekanamičnaha supracoŭnictva ź Biełaruśsiu. U čas vizitu ŭ našu krainu ŭ studzieni h.h. prezident Turkmienistana vykazaŭsia na karyść nadańnia biełaruska‑turkmienskim adnosinam sistemnaha charaktaru. Miž inšym, u Turkmienistanie cikaviacca našymi traktarami, aŭtamabilami, darožnaj technikaj. Vykanany kantrakt na pastaŭku 1500 «Biełarusaŭ». 120 turkmienskich studentaŭ vučacca ŭ profilnych biełaruskich VNU, paśla zakančeńnia jakich buduć pracavać na kompleksie pa vytvorčaści kalijnych uhnajeńniaŭ. U budučyni miarkujecca značna pavialičyć kolkaść turkmienskich studentaŭ u Biełarusi.
Niekalki słoŭ ab aŭtary knihi. Hurbanhuły Mialikhułyjavič Bierdymuchamiedaŭ naradziŭsia ŭ 1957 hodzie ŭ siale Babarab Ašchabadskaj vobłaści Turkmienii. U 1979 hodzie skončyŭ stamatałahičny fakultet Turkmienskaha miedycynskaha instytuta, a ŭ 1990 hodzie — aśpiranturu. Kandydat miedycynskich navuk. Pracoŭny šlach pačaŭ u 1979 hodzie stamatołaham u paliklinicy Ašchabada. I dalej značnaja častka jaho žyćcia była pryśviečana lačeńniu ludziej. Budučy prezident Turkmienii pracavaŭ stamatołaham u sielskaj ambułatoryi, hałoŭnym pazaštatnym stamatołaham Ašchabadskaha rajona, zahadčykam stamatałahičnaha adździaleńnia Centralnaj rajonnaj balnicy ŭ Ašchabadskim rajonie. Dalejšy šlach Hurbanhuły Bierdymuchamiedava (1990—1995 hh.) byŭ źviazany z navukaj: asistent kafiedry terapieŭtyčnaj stamatałohii, dacent, dekan stamatałahičnaha fakulteta Turkmienskaha dziaržaŭnaha miedycynskaha instytuta.
U 1997 hodzie byŭ vyłučany na pasadu ministra achovy zdaroŭja i miedycynskaj pramysłovaści Turkmienistana, potym adnačasova ŭznačalvaŭ dziaržaŭny miedycynski instytut i mižnarodny miedycynski centr u Ašchabadzie. Z 2001 hoda pracavaŭ namieśnikam staršyni Kabinieta ministraŭ. U 2007 hodzie Hurbanhuły Bierdymuchamiedaŭ abrany prezidentam Turkmienistana. Niahledziačy na vialikuju zaniataść, znajšoŭ čas dla stvareńnia knihi.
Heta, darečy, nie pieršaja kniha prezidenta turkmienskaj dziaržavy, jakaja była prapanavana ŭvazie biełaruskaj hramadskaści. Nahadajem, niekalki hadoŭ tamu ŭ pamiaškańni Biełaruskaha tavarystva družby i kulturnaj suviazi z zamiežnymi krainami adbyłasia prezientacyja knihi pieršaha turkmienskaha prezidenta Saparmurata Nijazava «Ruchnama». Jaho suajčyńniki jašče nazyvali «Vialikim Turkmienbašy», «Vialiki Sardaram», što značyć pravadyr.
Kniha Saparmurata Nijazava taksama była pierakładziena na biełaruskuju movu i pryśviačałasia słaŭnaj historyi turkmienskaha naroda, siońniašniamu dniu dziaržavy. «Ruchnama» ŭ poŭnym sensie słova stała nastolnaj knihaj usich turkmienaŭ, jaje vyvučali ŭ škołach, vyšejšych navučalnych ustanovach. «Ruchnamu» pierakłali na mnohija zamiežnyja movy. Treba skazać, što ŭ Turkmienistanie ź vialikaj pavahaj staviacca da tvoraŭ svaich lidaraŭ. Saparmurat Nijazaŭ kiravaŭ krainaj na praciahu 15 hadoŭ. Paśla jaho raptoŭnaj śmierci była vydadzienaja kniha zapavietaŭ Turkmienbašy, jakuju tak i nazvali «Maje zapaviety». U knihu ŭvajšli vytrymki sa šmatlikich vystupleńniaŭ i artykułaŭ Turkmienbašy, a taksama frahmienty ź jaho historyka‑fiłasofskich prac i paetyčnych tvoraŭ.
Ciapier hramadskaść našaj krainy maje mahčymaść na biełaruskaj movie paznajomicca z knihaj prezidenta Turkmienistana Hurbanhuły Bierdymuchamiedava. «Vybrany i ŭpaŭnavažany narodam» taksama pierakładziena na zamiežnyja movy, jaje prezientacyja prajšła ŭ mnohich krainach, u tym liku Vialikabrytanii, Hałandyi, Rasii. U knizie šmat pryhožych i cikavych ilustracyj, jakija śviedčać pra vialikija dasiahnieńni Turkmienistana paśla nabyćcia samastojnaści.
