U Biełarusi 1 červienia ŭ 20.00 zaviaršyłasia rehistracyja dla prachodžańnia centralizavanaha testavańnia,

paviedamiŭ dyrektar Respublikanskaha instytuta kantrolu viedaŭ Ministerstva adukacyi Mikałaj Fiaśkoŭ.

«U hetym hodzie abituryjenty padavali zajavy na CT biez ažyjatažu i jakich‑niebudź ekscesaŭ, usio prajšło vielmi spakojna i dyscyplinavana», — padkreśliŭ jon. Mikałaj Fiaśkoŭ raskazaŭ, što apošni dzień rehistracyi taksama prajšoŭ spakojna. «Ja razmaŭlaŭ z pradstaŭnikami punktaŭ rehistracyi ŭ rehijonach — tam, jak i ŭ Minsku, usio prajšło narmalna», — adznačyŭ dyrektar RIKV.

Nahadajem, u Biełarusi pry pastupleńni ŭ VNU (akramia niekatorych śpiecyjalnaściej) abituryjent zdaje ŭ formie CT 3 pradmiety, a pry pastupleńni ŭ SSNU — dva.

Abituryjenty, jakija ŭdzielničajuć va ŭstupnaj kampanii, abaviazany padać u pryjomnyja kamisii VNU i SSNU dakumienty ab prachodžańni CT pa vybranych pradmietach. Darečy, abituryjenty z Rasii, Kazachstana, Kyrhyzstana i Tadžykistana, jakija majuć prava pastupać u biełaruskija VNU i SSNU na biudžetnuju formu atrymańnia adukacyi, taksama abaviazany prajści CT.

Pieršy ispyt CT — heta biełaruskaja mova, projdzie 14 červienia.

Na nastupny dzień, 15 červienia, abituryjenty zdaduć ruskuju movu, 17 červienia — historyju Biełarusi, 18 červienia — hieahrafiju, 20 červienia — matematyku, 22 červienia — hramadaznaŭstva, 24 červienia — Suśvietnuju historyju naviejšaha času, 25 červienia — fiziku, 27 červienia — bijałohiju, 29 červienia — zamiežnyja movy, 30 červienia — chimiju.

Usie ispyty tradycyjna buduć pačynacca ŭ 11.00.

Siertyfikaty, jak i ŭ minułym hodzie, buduć vydadzieny ŭsim, chto atrymaje ad 1 bała i vyšej. Vydača siertyfikataŭ usim abituryjentam pavialičvaje ich šancy na pastupleńnie ŭ VNU i SSNU jak biudžetnaj, tak i pryvatnaj formy ŭłasnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?