Varšava ŭ biełaruskim nacyjanalnym žyćci zajmała i zajmaje asablivaje miesca. Apisać ŭsio biełaruskaje žyćcio polskaj stalicy ŭ adnym numary časopisa, choć i abjomnym, prosta niemahčyma. Tamu jaho ŭkładalniki pasprabavali zrabić ahulny narys. Tut možna znajści infarmacyju ab varšaŭskim pieryjadzie žyćcia Jaŭchima Karskaha i Adama Płuha, daviedacca ab pieršym biełaruskim lemantary, a taksama pračytać varšaŭskija ese biełaruskich litarataraŭ.
Aŭtarami «varšaŭskaha» numaru stali Alaksandr Barščeŭski, Radasłaŭ Kaleta, Katažyna Bartnoŭska, Mikoła Chaŭstovič i inš.
Aktyŭny udzieł u stvareńni numaru prymali studenty i vykładčyki kafiedry biełarusistyki Varšaŭskaha Univiersitetu, jakaja ličycca adnym z samych vialikich biełarskich asiarodkaŭ Polščy.
4 numar ARCHE za 2010 hod utrymlivaje i materyjały, pryśviečanyja trahiedyi pad Smalenskam, jakaja adbyłasia 10 krasavika hetaha hodu. Svaje teksty na hetuju temu apublikavali Andžej Pačobut, Hanna Haračka i Piotra Rudkoŭski.
