Pamiorła viadomaja biełaruskaja mastačka, adna z pačynalnic mastactva pierformansu Ludmiła Rusava.
fota - Vinsent Mandzi
Ludmiła Rusava (1954-2010) — značnaja postać andehraundu 70-ch i 80-ch hadoŭ. Rusava, mastačka-postmadernistka, stvarała kanceptualnaje mastactva, zajmałasia žyvapisam, hrafikaj, dekaratyŭna-prykładnym mastactvam, tkactvam.
Rusava — aŭtarka ci nie samaha pieršaha biełaruskaha pierformansa, . U 1984 h. razam ź Iharam Kaškurevičam jana naładziła mastacki publičny vystup, pryśviečany Kazimiru Maleviču i jahonamu «Čornamu kvadratu» — mastačka simvalična pachavała Maleviča ŭ suprematyčnaj trunie i ŭniesła jaje ŭ minski Pałac mastactvaŭ.
«Da apošniaha dnia Ludmiła, navat chvoraja, zastavałasia viernaj prafiesii, nie zamykałasia, zajmałasia publičnym mastactvam, — skazała Natalla Siančyła, vykładčyca BDU i siabroŭka mastački. — Ad nas syšoŭ nievierahodna talenavity, značny mastak, i spadčyna Rusavaj čakaje svajho asensavańnia, daśledvańnia. Vielmi nieabchodna dla biełaruskaha mastactva, kab vyjšaŭ katałohaŭ jaje pracaŭ i adbyłasia piersanalnaja vystava».
Pachavali Ludmiłu Rusavu 1 červienia ŭ Minsku.
