Uładzimir Niaklajeŭ 2 červienia zajaviŭ, što jaho kampanija padpisvajecca pad ekanamičnaj pieradvybarčaj prahramaj Jarasłava Ramančuka.
«Aficyjna biespracoŭje u nas dzieści na uzroŭni adnaho pracenta. —skazaŭ Uładzimir Niaklajeŭ siońnia na prahułačnym parachodzie pasiaredzinie Minskaha mora, padčas prezientacyi knihi «100 abliččaŭ biespracoŭja». — Nasamreč usio zusim nie tak. Sam Sidorski ci niechta ź jaho namieśnikaŭ skazaŭ, što pry refarmacyi ekanomiki, jakuju daviadziecca rabić, nas čakaje strata 1,5 miljony pracoŭnych miescaŭ — heta aficyjnaja zajava i heta vielmi surjoznaja ličba.
Źmienšyć nastupstvy taho, što nas čakaje možna tolki stvarajučy novyja pracoŭnyja miescy. Kali Jarasłaŭ Ramančuk vyłučaŭsia ŭ kandydaty ŭ prezidenty RB, jon prezientavaŭ svaju ekanamičnuju prahramu, jakaja vyrašaje prablemy biespracoŭja.
Pad hetaj ekanamičnaj prahramaj Ramančuka, kampanija «Havary praŭdu» całkam padpisvajecca.
U asnovie hetaj prahramy pryniaćcie zakona pra mały i siaredni biźnies, a h.zn. pra tyja struktury, jakija stvarajuć pracoŭnyja miescy. Zaraz my pracujem nad tym, kab sabrać nieabchodnyja 50 tys. podpisaŭ dla pryniaćcia hetaha zakona».