Kadr ź filma «Štučnaje dychańnie».
Z 9 pa 12 červienia ŭ Minsku, u kinateatry «Centralny», adbudziecca pakaz sučasnych šviedskich mastackich filmaŭ.
Siońnia ŭ 18:30 u kinateatry «Centralny» pakažuć dramu «Štučnaje dychańnie» («Mun mot mun») (2005) režysiora Bjorna Runhie. Heta historyja maładoj dziaŭčyny Viery (Safija Vestbierh), jakaja pakidaje svaich baćkoŭ i sychodzić da handlara narkotykami Morhana (Mahnus Krepier). Morhan miortvaj chvatkaj utrymlivaje dziaŭčynu la siabie, napampoŭvajučy jaje narkotykami. Sproby baćkoŭ (Mary Ryčardsan i Pieter Andešan) viarnuć dačku nie dajuć anijakaha plonu. Šlub i ŭsio ich žyćcio pastupova iduć pad adchon.
U nastupnyja dni biełaruskim hledačam buduć pradstaŭleny jašče try poŭnamietražnyja stužki šviedskich režysioraŭ: «Dazvol mnie ŭvajści» (10 červienia ŭ 18:30), «Štorm» (11 červienia ŭ 18:30) i «Soniečny štorm» (12 červienia ŭ 18:30).
