Biełaruski dziaržaŭny teatr lalek atrymaŭ pryz za lepšuju režysuru na XXII Mižnarodnym teatralnym fiestyvali Walizka, jaki prajšoŭ 8—11 červienia ŭ horadzie Łomža (Polšča).
Jak paviedamiła zahadčyca litaraturnaj častki teatra Darja Viźnier, biełaruski teatr prezientavaŭ svaju apošniuju premjeru — śpiektakl «Čamu starejuć ludzi?». Pryz za lepšuju režysuru byŭ uručany hałoŭnamu režysioru teatra Alaksieju Lalaŭskamu. U fiestyvali ŭziali ŭdzieł 17 teatralnych kalektyvaŭ ź Bielhii, Bośnii i Hiercahaviny, Hiermanii, Ispanii, Polščy, Rasii i Słavienii.
Zaraz Alaksiej Lalaŭski razam z mastačkaj Taćcianaj Niersisian pracuje nad śpiektaklem dla darosłych «Draj švestern» pavodle dramy Čechava «Try siastry». Płanujecca, što premjeraj hetaha śpiektakla teatr lalek adkryje novy siezon u vieraśni.
Da pačatku novaha siezona taksama rychtujecca pastanoŭka dla dziaciej, nad jakoj pracuje režysior Alaksandr Januškievič razam z mastakom Valeryjem Račkoŭskim. Jany rychtujuć kazku «Marynka‑krapiŭnica» pavodle pjesy Artura Volskaha i Piatra Makala.
