20 červienia adbudziecca hramadskaja premjera biełaruskaj mastackaj stužki «Vaŭki». Pakaz adbudziecca paśla ŭračystaha adkryćcia VII Respublikanskaha fiestyvalu biełaruskich kinastužak u Breście.
«Vaŭki» — heta psichałahičnaja drama, dzieja jakoj adbyvajecca ŭ paślavajenny čas. Siužet: zimoj z ešałona z asablivymi źniavolenymi źbiahaje Kirył Palatajeŭ. U rodnaj vioscy nie ŭsie hatovyja pryniać uciekača — na jaho ładziać sapraŭdnaje palavańnie. Uciokšy ŭ les, vyratavany ad ludziej-vaŭkoŭ hieroj natykajecca na zhraju sapraŭdnych vaŭkoŭ.
U filmie źnialisia Andrej Panin, Dźmitryj Uljanaŭ, Uładzimir Haściuchin. Režysior Alaksandr Kołbyšaŭ, viadomy pa roli rasijca Štyrkina ŭ «Misteryjach. Akupacyi».
«Vaŭki» — antytatalitarnaja trahiedyja. Film pastaŭleny pavodle adnajmiennaj apovieści Alaksandra Čakmianiova, napisanaj u 1963 h. Za jaje piśmieńnika ciahali ŭ KDB.
Premjera adbudziecca ŭ Vialikaj zali kinateatra «Biełaruś» (Savieckaja, 62). Cana kvitkoŭ: 5620, VIP — 6330, puf i kilim — 8180. Kinasieansy pačynajucca ŭ 17.30 i 20.30.
