Minski hatel «Kastryčnicki», što na vulicy Enhielsa, začynieny na rekanstrukcyju.
Jak raspavioŭ dyrektar hatela «Minsk» Mikałaj Žuraŭski («Kastryčnicki» źjaŭlajecca strukturnym źvianom hetaha pradpryjemstva), u lipieni pačynajecca častkovy demantaž staroha budynka. Faktyčna zamiest raniejšaha budynka źjaviacca try korpusy. U dvuch ź ich raźmieściacca žyłyja numary. Jašče adzin źmieścić u siabie parkinh, fizkulturna‑azdaraŭlenčy centr, sałon pryhažości, biljardny kłub.
Źjaviacca ŭ novym kompleksie i zały dla pieramovaŭ, pamiaškańni dla praviadzieńnia bujnych mierapryjemstvaŭ, naprykład, dypłamatyčnych sustreč, sieminaraŭ. Hatel stanie piacizorkavym i źmienić svaju nazvu na «Prezident‑hatel». Rekanstrujavać abjekt budzie tureckaja kampanija, jakaja vyjhrała konkurs. Płanujecca, što raboty pradoŭžacca da siaredziny 2012 hoda.
