Novyja stužki pakažuć u miežach VII Respublikanskaha fiestyvalu biełaruskich filmaŭ, jaki projdzie 20-24 červienia ŭ Breście.
Minuły fest pravodziŭsia ŭ 2007 hodzie. I sioleta žury budzie aceńvać filmy, źniatyja za apošnija try hady. Heta mastackija, animacyjnyja, dakumientalnyja stužki. Pieramožcaŭ buduć vyznačać za lepšyja film, mužčynskuju i žanočuju roli, režysuru, scenaryj, muzyčnaje afarmleńnie, vyjaŭlenčaje rašeńnie.
Hałoŭny redaktara kinastudyi «Biełaruśfilm» Natalla Ściažko paviedamiła, što sioleta ŭ Breście zmohuć pakazać nie ŭsie filmy, źniatyja ŭ Biełarusi. U paraŭnańni ź minułym fiestyvalem, kali ledź nabiralisia stužki dla pakazu, sioleta ich nastolki šmat, što nie atrymlivajecca ŭsie ŭklučyć u prahramu. Usiaho ŭdzieł prymuć u fiestyvali bolš za 50 filmaŭ. Siarod ich «Dastyš fantastyš» Alaksandra Kananoviča, «Dniaproŭski rubiež» Dzianisa Skvarcova, «Insajt» Renaty Hryckovaj, «Navahodnija pryhody ŭ lipieni» Aleny Turavaj i Ivana Paŭłava.
«Bresckaja krepaść» Alaksandra Kota i «Voka za voka» Hienadzia Pałoki buduć demanstravacca pa-za konkursnaj prahramaj.
Na fiestyvali čakajecca prysutnaść kinošnikaŭ z Polščy, Rasii, Litvy. A narodny artyst Rasii Hienadź Pałoka rychtujecca pravieści majstar-kłas dla maładych režysioraŭ.
