Maštabnaj vajskovaj padziei Siaredniaviečča pryśviečany kamplekt paštovak «Hrunvaldskaja bitva ŭ vyjavach», što padrychtavany pa materyjałach fondaŭ Nacyjanalnaj biblijateki.
U nabor uvachodzić 16 paštovak. Siarod ich — repradukcyi hraviuraŭ i pałotnaŭ biełaruskich, polskich, češskich i šviejcarskich mastakoŭ, sučasnych i kłasičnych.
Viadoma, nie abyšłosia biez palaka Jana Matejki, jahonaha epičnaha pałatna «Hrunvaldskaja bitva» (tam, dzie Vitaŭt u siaredzinie). A taksama repradukcyi karciny čecha Alfonsa Muchi (pałatno «Paśla Hrunvaldskaj bitvy») i kłasičnych minijaciur, uziatych ź ilustravanych chronik šviejcarskaha historyka Šylinha. Siarod paštovak pradstaŭleny taksama partretny žyvapis: vyjavy kniazia Vitaŭta i karala Jahajły. Nie zabyty i partret hałoŭnaha praciŭnika abjadnanaha biełaruska-litoŭska-polskaha vojska — vialikaha mahistra Teŭtonskaha ordena Ulrycha fon Junhinhiena.
Cana naboru paštovak — blizu 11 tysiač biełaruskich rubloŭ. Prezientacyja paštovak «Hrunvaldskaja bitva ŭ vyjavach» adbyłasia ŭ Nacyjanalnaj biblijatecy ŭ miežach histaryčna-kulturnaha prajektu «Hrunvald-600».
 Dyrektar Nacyjanalnaj biblijateki Raman Matulski na prezientacyi prajekta «Hrunvald-600». Fota z sajta nlb.by bbb |
