Samalot Solar Impulse, ruchavik jakoha pracuje vyklučna na soniečnych batarejach, pačaŭ pieršy kruhłasutačny testavy palot, paviedamlajuć infarmahienctvy.
Unikalny aparat uźlacieŭ z vajskovaha aeradroma šviejcarskaha horada Pajern u kantonie Vo. Na praciahu dnia samalot budzie pastupova nabirać vyšyniu, vykarystoŭvajučy svaje 12 tys. soniečnych batarej łdia zaradki lityjeva-ijonnych akumulataraŭ. Da nadychodu ciemry jon pavinien spuścicca na vyšyniu 1,5 tys. m i pasprabavać pravieści ŭ pavietry ŭsiu noč, vykarystoŭvajučy soniečnuju enierhiju, nazapašanuju za dzień u batarejach.
Pryziamlicca Solar Impulse mieŭ u čaćvier ranicaj u Pajernie. Kali ekśpierymient projdzie paśpiachova, heta stanie samym doŭhim i vysokim palotam samalota na soniečnaj enierhii.
Solar Impulse byŭ sprajektavany padarožnikam Biertranam Pikaram, jaki prasłaviŭsia ŭ 1999-m paśla taho jak u pary z anhličaninam Brajanam Džonsam ažyćciaviŭ biespasadačny kruhaśvietny pieralot na pavietranym šary. Sa śniežnia 2009 pravodzilisia karotkija testavyja paloty aparata, kali jon padymaŭsia nie vyšej jak na 1,5 m ad ziamli i pieraadolvaŭ dystancyju 300 km. Pieršy praciahły palot Solar Impulse adbyŭsia 7 krasavika biahučaha hoda ŭ Šviejcaryi. Tady mašyna vahoj 1,6 t praviała ŭ pavietry bolš za hadzinu, ruchajučysia sa skoraściu 40 km/hadz. Pieršaja ž sproba siońniašniaha palotu była zapłanavana na 1 lipienia, ale była admieniena praz techničnyja prablemy.
U 2011 hodzie na Solar Impulse płanujecca ažyćciavić bieśpierasadačny pieralot praz Atłantyčny akijan.
