09.07.2010
/ 17:39 / Ałharytmičny łacinski varyjant
U Biełarusi raspačali farmavańnie «čornaha śpisu» sajtaŭ
Na sajcie Inśpiekcyi pa elektrasuviazi (BiełDIE) źjaviŭsia raździeł «Śpisy abmiežavanaha dostupu».
Na sajcie Inśpiekcyi pa elektrasuviazi (BiełDIE) źjaviŭsia raździeł «Śpisy abmiežavanaha dostupu».
Hetyja śpisy pa zadumie raspracoŭščykaŭ ukazu № 60 zaścierahuć biełaruskich internet-karystalnikaŭ pa ich patrabavańni ad ekstremizmu, hvałtu, parnahrafii i inšych praźmiernaściaŭ. Zhodna z sumiesnaj pastanovaj AAC i Minsuviazi takich śpisaŭ budzie dva — publičny i zakryty. U pieršy ŭvojduć internet-resursy, zarehistravanyja ŭ nacyjanalnym siehmiencie sietki internet, a ŭ druhi, jaki budzie bačny tolki pastaŭščykam internet-pasłuhaŭ, — astatnija niepažadanyja internet-resursy.
BiełDIE prapanuje internet-pravajderam prajści kvest i atrymać dostup da śpisu abmiežavanaha dostupu. Dla hetaha treba aformić list i pieradać jaho ŭ BiełDIE praz upaŭnavažanuju asobu. Upaŭnavažanaja asoba pavinnaja pakazać zavieranuju licenziju na prava ažyćciaŭleńnia dziejnaści ŭ halinie suviazi. Tolki tady možna atrymać łahin i parol dla dostupu da śpisu abmiežavanaha dostupu praz SAJT RUP «BiełDIE».
Nahadajem, «čorny śpis» farmujecca BiełDIE pa prapanovie ŭpaŭnavažanych dziaržorhanaŭ. Dapamahčy ŭ składańni śpisu mohuć jurasoby, indyvidualnyja pradprymalniki i zvyčajnyja hramadzianie, jakija pavinnyja nakiroŭvać svaje prapanovy pa błakavańni sajtaŭ u dziaržorhany. Pakul internet-cenzura moža ažyćciaŭlacca tolki pa asabistaj prośbie samoha internet-karystalnika. U abaviazkovym paradku niepažadanyja sajty buduć błakavacca ŭ dziaržustanovach, a taksama ŭ arhanizacyjach adukacyi, kultury.
Skandalny ŭkaz Alaksandra Łukašenki «Ab nacyjanalnym siehmiencie sietki Internet» nabyŭ siłu 1 lipienia. Tekst ukazu vyklikaŭ krytyku jak biełaruskaj miedyja-supolnaści, tak i mižnarodnych pravaabarončych arhanizacyjaŭ, u tym liku ABSIE. Niezaležnyja ekśpierty nie sumniajucca, što ŭkaz Łukašenki nakiravany ŭ pieršuju čarhu na błakavańnie apazicyjnych veb-resursaŭ padčas praviadzieńnia vybaraŭ.
Electroname.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH