U krainie nieabchodna skaračać kolkaść zališnich novabudoŭlaŭ i abjektaŭ, jakija nie źjaŭlajucca žyćciova nieabchodnymi, zajaviŭ Alaksandr Łukašenka ŭ časie pajezdki ŭ Viciebskuju vobłaść 9 lipienia.

Hetaja zajava Łukašenki prahučała niby papiaredžańnie pra budučaje zapavolvańnie ekanomiki. Mienavita da jaho pryviadzie skaračeńnie dziaržaŭnych inviestycyj u budaŭnictva. Budaŭnictva było ruchavikom, jaki ŭtrymaŭ biełaruskuju ekanomiku ad kryzisnaha padzieńnia. Tempy rostu inviestycyj apošniaje dziesiacihodździe składali stabilna bolš za 20% u hod. Sacyjalnaje budaŭnictva było adnym z hałoŭnych kirunkaŭ dziaržaŭnaha inviestavańnia.

Pavodle słoŭ Łukašenki, u svoj čas byli šyroka razhornuty maštabnyja prajekty i ŭviedziena dossyć adukacyjnych, miedycynskich i inšych ustanovaŭ. U nastupnym hodzie buduć uzvodzicca «tolki tyja abjekty, jakija sapraŭdy nieabchodnyja».

«Nam treba sioleta paskorycca, a ŭ budučyni — zaviaršyć budaŭnictva ŭsich sacyjalnych abjektaŭ», — skazaŭ Łukašenka. Pavodle jaho słoŭ, bolš srodkaŭ budzie ŭkładvacca ŭ prajekty, jakija chutka akuplajucca.

Tema novabudoŭlaŭ paŭstała ŭ časie abmierkavańnia prapanovaŭ Viciebskaha abłvykankama pa budaŭnictvie, rekanstrukcyi i ramoncie abjektaŭ Viciebska. Łukašenka naviedaŭ Viciebsk z nahody fiestyvalu «Słavianski bazar».

Rost cenaŭ na rasijskija enerhanośbity pavialičvaje raschodnuju častku biudžetu krainy. U vyniku paŭstaje nieabchodnaść skaračeńnia raschodaŭ.

Alaksandr Łukašenka i ŭ minułym paśladoŭna rychtavaŭ hramadskuju dumku da niepapularnych krokaŭ: likvidacyi lhotaŭ ci pabudovy AES.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?