12 lipienia aktyvisty hramadzianskaj kampanii «Havary praŭdu» zanieśli bolš čym 100 tysiač podpisaŭ za nadańnie adnoj z vulic stalicy imia Vasila Bykava.

Siarod podpisaŭ tolki 5 tysiač byli aryhinałami — reštu skłali ksierakopii. Aktyvisty kampanii śćviardžajuć, što aryhinały byli skradzienyja z arandavanaj kvatery.

Lider «Havary praŭdu», Uładzimir Niaklajeŭ tak adreahavaŭ na kamientary ab mahčymaj niesumlennaści svajoj kamandy: «Ja navat nie budu hetaje hłupstva kamientavać. Niaŭžo mahčyma padrabić sto tysiač podpisaŭ? Idzicie i praviercie ich».
Žurnalistam nasamreč prapanavali spraŭdzić na ŭłasny vybar kopii padpisnych listoŭ. Jany vyhladali na sapraŭdnyja — nadpisy na ich byli zroblenyja roznym počyrkam, a sami podpisy vyrazna adroźnivalisia adzin ad adnaho.

Usie podpisy ŭ Minharvykankamie byli pryniatyja namieśnikam kiraŭnika adździeła pa pryjomie zajavaŭ i listoŭ hramadzian Andrejem Šerym. Što praŭda, dla hetaha A.Šery dosyć doŭha kansultavaŭsia pa telefonie sa svaim načalstvam.

«Zbor podpisaŭ za vulicu Bykava — nie palityčnaja meta, a maralnaja. Spraviadlivaść patrabuje, kab u Minsku isnavała takaja vulica. Rodnyja piśmieńnika mianie nie paprakajuć za toje, što vykarystoŭvaju imia piśmieńnika, paprakajuć inšyja. Kaho mnie słuchać? A palityka siońnia prysutničaje va ŭsim», — zajaviŭ Uładzimir Niaklajeŭ žurnalistam paśla naviedvańnia Minharvykankama.

Aktyvisty «Havary praŭdu» taksama zaznačyli, što nie źbirajucca patrabavać ad Minharvykankama pieranajmienavańnia niejkaj kankretnaj vulicy. Pa ich słovach, u centry Minska dastatkova hodnych vulic i čynoŭniki zmohuć sami vybrać, jakaja ź ich budzie nasić imia Vasila Bykava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?