«My žadajem, kab Sajuz palakaŭ u Biełarusi byŭ adzinym i niezaležnym ad uładaŭ», —
zajaviŭ u intervju BiełaPAN člen kamisii pa zamiežnych spravach polskaha siejma, deputat ad apazicyjnaj partyi «Prava i spraviadlivaść» Tadevuš Vaźniak.

Pa jaho słovach, deputaty Sojma zakłapočanyja raskołam SPB i «niezdarovaj» situacyjaj vakoł hramadskaha abjadnańnia. «My žadajem, kab pradstaŭniki Sajuza palakaŭ sabralisia, vybrali svajo kiraŭnictva i dziejničali svabodna», — skazaŭ parłamientaryj.

Pa jaho słovach, dla palakaŭ kaštoŭnaści svabody majuć vialikaje značeńnie. Jak miarkuje Vaźniak, u apošnija hady pahoršyłasia situacyja ŭ adnosinach dźviuch krain. U jakaści prykładu jon pryvioŭ admovu biełaruskich uładaŭ va ŭjeździe ŭ Biełaruś deputatu sojma ad kirujučaj partyi «Hramadzianskaja płatforma», namieśniku parłamienckaj kamisii pa zamiežnych spravach Robiertu Tyškieviču, jaki mieŭ namier pryniać udzieł u paminańni voinaŭ Armii Krajovaj, jakija zahinuli ŭ lipieni 1944 hoda ŭ Smarhonskim rajonie Hrodzienskaj vobłaści. Hetaja cyrymonija z udziełam troch polskich parłamientaryjaŭ, u tym liku i Vaźniaka, adbyłasia 11 lipienia.

«Dla palakaŭ heta paminańnie maje vialikaje značeńnie, bo my ŭšanoŭvajem pamiać svaich suajčyńnikaŭ, jakija zahinuli za Polšču ŭ miežach 1939 hoda. Hetyja ludzi zmahalisia za svaju radzimu, ničoha nie viedajučy pra damoŭlenaści pamiž liderami krain antyfašysckaj kaalicyi ab paślavajennych miežach Polščy», — padkreśliŭ Vaźniak. Źmianieńnie adnosin pamiž Polščaj i Biełaruśsiu jon źviazvaje z pazicyjaj biełaruskaha kiraŭnictva. Raskoł u hramadskim abjadnańni adbyŭsia ŭ 2005 hodzie. Z taho času ŭ krainie isnujuć dva SPB — aficyjny, zarehistravany Ministerstvam justycyi Biełarusi, i nieaficyjny, jaki padtrymlivajuć ułady Polščy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?