Dobrušski farforavy zavod zajaŭlaje ab tym, što ŭsia vypuskajeaja im pradukcyja adpaviadaje sanitarnym normam i ličyć niesapraŭdnymi vyniki analizaŭ rasijskaha Rasspažyŭnahladu, u jakich zafiksavanaje pavyšanaje ŭtrymańnie ciažkich mietałaŭ u vyrabach zavoda, što realizujucca na terytoryi RF.

Dobrušski farforavy zavod «aficyjna zajaŭlaje, što ŭsie abvinavačvańni ŭ adras pradpryjemstva ab pastaŭcy ŭ Rasijskuju Fiederacyju niajakasnaj pradukcyi z utrymańniem niebiaśpiečnych dla žyćcia i zdaroŭja ludziej chimičnych elemientaŭ — nieabhruntavanyja», — havorycca ŭ aficyjnaj zajavie pradpryjemstva.

U zajavie adznačajecca, što DFZ byŭ uviedzieny ŭ ekspłuatacyju ŭ 1978 hodzie i technałohija vytvorčaści farforu na pradpryjemstvie identyčnaja echnałohii na inšych zavodach RF i SND, u tym liku i tych, jakija karystajucca suśvietnaj viadomaściu. Akramia taho, technałohija vytvorčaści DFZ identyčnaja toj, jakuju ŭžyvajuć polskija, češskija, niamieckija i inšyja pryznanyja jeŭrapiejskija i suśvietnyja vytvorcy farforu. Pradstaŭniki zavoda źviartajuć uvahu, što ŭsie pradpryjemstvy hetaj haliny ŭ krainach SND vykarystoŭvajuć «adnolkavuju syravinu i mnohija dapamožnyja materyjały».

«U dadzieny momant bolš za 80% syraviny i materyjałaŭ, jakija vykarystoŭvajucca DFZ, pastaŭlajecca z Rasijskaj Fiederacyi», — padkreślivajecca ŭ zajavie.

Paśla paviedamleńnia ab vyjaŭleńni ŭ Zabajkalskim krai RF partyi posudu DFZ ź pieravyšeńniem utrymańnia škodnych rečyvaŭ Dziaržstandart Biełarusi pierapravieryŭ usie pratakoły vyprabavańniaŭ i nie vyjaviŭ u jaho dziejańniach parušeńniaŭ.

Miž tym, Rasspažyŭnahlad pastanaviŭ spynić realizacyju pradukcyi DFZ, jaho vyraby byli kanfiskavanyja z abarotu i padlahajuć źniščeńniu.

Kiraŭnik Rasspažyŭnahladu, Hienadź Aniščanka, nakiravaŭ kiraŭnikam terytaryjalnych upraŭleńniaŭ viedamstva list, u jakim daručyŭ pravieści łabaratornyja daśledavańni pradukcyi biełaruskaha zavoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?